2019 jılı 5 säuirde Vil'nyus qalasında qazaqstandıq tanımal rejisser Aqan Sataevtıñ «Anağa jol» fil'miniñ körsetilimimen «Litvadağı Qazaqstandıq köktem» festivaliniñ aşılu saltanatı ötti.

Litvadağı «Qazaqstandıq kino künderi» şeñberinde qoyılğan fil'mdi resmi twlğalar, Parlament deputattarı, iskerlik jäne akademiyalıq toptar ökilderi, mädeniet qayratkerleri, sonday-aq Litvada tirkelgen diplomatiyalıq korpus basşıları tamaşaladı.

Festival'diñ aşılu saltanatında söylegen sözinde Litvadağı Qazaqstan Elşisi V.Temirbaev nätijeli iske asudağı «Ruhani jañğıru» bağdarlaması men Elbasınıñ «Wlı dalanıñ jeti qırı» attı maqalasınıñ arqasında eldiñ mädeni-tarihi äleueti damuınıñ dinamizmin atap ötti.

Bwdan basqa, qazaqstandıq diplomat Qazaqstan men Litva, äsirese jaña buın ökilderiniñ arasındağı mädeni dialogtı tereñdetudiñ qajettiligin alğa tarttı.

«Anağa jol» körinisi qazaqstan halqınıñ tarih betindegi qiın kezeñderdegi tabandılığımen jäne biik ruhımen litvalıq körermenderdi tañqaldırdı.

«Qazaqstandıq kino künderi» ayasında Litvanıñ eñ ülken üş qalasında (Vil'nyus, Kaunas, Klaypeda) bärimizge süyikti bolğan jäne älem sahnaların moyındatqan, sonday-aq qazaqstandıq kinomatografiyanıñ jaña tuındıları «Anağa jol», «Şal», «Talan», «Almas qılış», «Jaujürek mıñ bala», «Kültegin» animaciyalıq fil'mi jäne t.b. kinolar körsetiledi.

«Litvadağı Qazaqstandıq köktemniñ» şaraları arasında qazaqstandıq-kanadalıq «Equus: jılqı tarihı» derekti fil'miniñ körsetilimin, Vil'nyus universitetindegi «Arqayım» neo-etno-folk tobınıñ koncertin, Litvanıñ üş qalasında jäne Latviya astanasında ötetin qazaqstandıq suretşi Rauza Eralievanıñ körmesin, sonımen qatar qazaq wlttıq oyını toğızqwmalaqtan Vil'nyuste bolatın jarıstı atap ötken jön.

"The Qazaq Times"