Janat Qwrmanov «BJZQ» AQ Basqarma törağası bolıp tağayındaldı

Janat Qwrmanov «BJZQ» AQ Basqarma törağası bolıp tağayındaldı.

 «BJZQ» AQ Direktorlar keñesiniñ şeşimimen Qwrmanov Janat Bostanwlı «BJZQ» AQ Basqarma törağası bolıp tağayındaldı.

Ol 1962 jılı 22 aqpanda Qarağandı qalasında tuğan. 1985 jılı S. M. Kirov atındağı Qazaq memlekettik universitetin fizika mamandığı boyınşa bitirgen. 1996 jılı Mäskeu ekonomika, menedjment jäne qwqıq institutın ekonomika mamandığı boyınşa tämamdadı  (mamandanu – bank isi). 2017 jılı Oksford universitetin bitirgen. Biznes mektebi bağdarlaması boyınşa diplom qorğağan.

Öziniñ eñbek jolın J. B. Qwrmanov 1985 jılı QazSSR Ğılım akademiyası YAdrolıq fizika institutında injener bolıp bastadı. 1996 jılı fizika-matematika ğılımdarınıñ kandidatı ğılımi därejesine ie boldı.  1996 jıldan beri Qazaqstan Respublikasınıñ qarjı narığında jwmıs istep keledi.

1999 jıldıñ jeltoqsanı men 2002 jıldıñ mausımına deyingi kezeñde Qazaqstan Respublikası Wlttıq Bankiniñ Saqtandırudı qadağalau jäne Bankterdi jäne saqtandırudı qadağalau departamentterinde basşılıq lauazımın atqardı.

2002 jıldıñ tamızı men 2007 jıldıñ aqpanı aralığında «GNPF» Jinaqtauşı zeynetaqı qorı» AQ Bas direktorı, Bas direktorınıñ orınbasarı bolıp qızmet istedi.

2007 jıldan 2016 jıldıñ qañtarına deyin bank pen saqtandıru sektorında, sonday-aq bağalı qağazdar narığında birqatar qarjı jäne infraqwrılımdıq wyımdardıñ direktorlar keñesteriniñ müşesi boldı. 2012 jıldıñ mamırınan «Qazaqstan qor birjası» AQ Direktorlar keñesiniñ törağası.

2016 jıldıñ aqpanı men 2017 jıldıñ qırküyegi aralığında Qazaqstan Respublikası Wlttıq Bankiniñ Saqtandırudı qadağalau departamentin,  Banktik emes qarjı wyımdarın retteu departamentin basqardı.

2017 jıldıñ qırküyeginen 2019 jıldıñ naurızına deyin Qazaqstan Respublikası Wlttıq Banki törağasınıñ orınbasarı qızmetin atqardı.

"The Qazaq Times"