جانات قۇرمانوۆ «بجزق» اق باسقارما توراعاسى بولىپ تاعايىندالدى.

 «بجزق» اق ديرەكتورلار كەڭەسىنىڭ شەشىمىمەن قۇرمانوۆ جانات بوستانۇلى «بجزق» اق باسقارما توراعاسى بولىپ تاعايىندالدى.

ول 1962 جىلى 22 اقپاندا قاراعاندى قالاسىندا تۋعان. 1985 جىلى س. م. كيروۆ اتىنداعى قازاق مەملەكەتتىك ۋنيۆەرسيتەتىن فيزيكا ماماندىعى بويىنشا بىتىرگەن. 1996 جىلى ماسكەۋ ەكونوميكا، مەنەدجمەنت جانە قۇقىق ينستيتۋتىن ەكونوميكا ماماندىعى بويىنشا ءتامامدادى  (ماماندانۋ – بانك ءىسى). 2017 جىلى وكسفورد ۋنيۆەرسيتەتىن بىتىرگەن. بيزنەس مەكتەبى باعدارلاماسى بويىنشا ديپلوم قورعاعان.

ءوزىنىڭ ەڭبەك جولىن ج. ب. قۇرمانوۆ 1985 جىلى قازسسر عىلىم اكادەمياسى يادرولىق فيزيكا ينستيتۋتىندا ينجەنەر بولىپ باستادى. 1996 جىلى فيزيكا-ماتەماتيكا عىلىمدارىنىڭ كانديداتى عىلىمي دارەجەسىنە يە بولدى.  1996 جىلدان بەرى قازاقستان رەسپۋبليكاسىنىڭ قارجى نارىعىندا جۇمىس ىستەپ كەلەدى.

1999 جىلدىڭ جەلتوقسانى مەن 2002 جىلدىڭ ماۋسىمىنا دەيىنگى كەزەڭدە قازاقستان رەسپۋبليكاسى ۇلتتىق بانكىنىڭ ساقتاندىرۋدى قاداعالاۋ جانە بانكتەردى جانە ساقتاندىرۋدى قاداعالاۋ دەپارتامەنتتەرىندە باسشىلىق لاۋازىمىن اتقاردى.

2002 جىلدىڭ تامىزى مەن 2007 جىلدىڭ اقپانى ارالىعىندا «گنپف» جيناقتاۋشى زەينەتاقى قورى» اق باس ديرەكتورى، باس ديرەكتورىنىڭ ورىنباسارى بولىپ قىزمەت ىستەدى.

2007 جىلدان 2016 جىلدىڭ قاڭتارىنا دەيىن بانك پەن ساقتاندىرۋ سەكتورىندا، سونداي-اق باعالى قاعازدار نارىعىندا بىرقاتار قارجى جانە ينفراقۇرىلىمدىق ۇيىمداردىڭ ديرەكتورلار كەڭەستەرىنىڭ مۇشەسى بولدى. 2012 جىلدىڭ مامىرىنان «قازاقستان قور بيرجاسى» اق ديرەكتورلار كەڭەسىنىڭ توراعاسى.

2016 جىلدىڭ اقپانى مەن 2017 جىلدىڭ قىركۇيەگى ارالىعىندا قازاقستان رەسپۋبليكاسى ۇلتتىق بانكىنىڭ ساقتاندىرۋدى قاداعالاۋ دەپارتامەنتىن،  بانكتىك ەمەس قارجى ۇيىمدارىن رەتتەۋ دەپارتامەنتىن باسقاردى.

2017 جىلدىڭ قىركۇيەگىنەن 2019 جىلدىڭ ناۋرىزىنا دەيىن قازاقستان رەسپۋبليكاسى ۇلتتىق بانكى توراعاسىنىڭ ورىنباسارى قىزمەتىن اتقاردى.

"The Qazaq Times"