Ündistan soñğı on jılda ğarıştı bağındıruğa neşe milliard qarjı sarıp etti. Qazirgi tañda 2022 jılğa deyin kosmosqa ğarışker attandırudı josparlap otır. Halıq sanı köp äri halqınıñ kün körisi tömen deñgeyde twrğan Ündistan üşin şet-şegi joq ğarışqa qarjı şaşuınıñ sebebi nede?

Eger Ündistan ğarışkerin wşırıp jäne onı aman-esen jerine qondıra alatın bolsa, onda ündi jwrtı ğarıştı bağındırğan älemdegi törtinşi el bolmaq (bwğan deyin AQŞ, Resey, Qıtay bwl jobanı jüzege asıra alğan). Ündistannıñ ğarış salasın damıtuğa küş saluın keybir sarapşılar sayasi maqsattar üşin dep qaraydı. Alayda, Ündistan bwl salada jetistikterge qol jetkize alsa ekonomikasına da az kiris kirmes edi.

Jaña-Deli ğarış salasın damıtuğa 1 mlrd AQŞ dollarınan köbirek qarjı böledi. Bwl eldiñ jıldıq byudjetiniñ 0,4 payızın ieleydi. Ärine ündi biligi bwl qarjını eldiñ äl-auqatın jaqsartuğa jwmsar edi. Alayda, ğarış salası iri biznestiñ işindegi eñ irisi. Ol jäne bolaşaqta eñ negizgi salanıñ biri boluı mümkin dep boljanadı. Ğarıştağı biznestiñ negizgi bölegi orbitağa jasandı jer serikterin, özge de zertteu apparattarın şığaru bolıp tabıladı. Bwl milliondar men milliardtardı eseptesetin biznes.

Qazir Ündistan ğarışqa zımıran attandıratındar qatarında törtinşi bolıp twr. Ğarışqa apparattarın, jasandı jer serikterin jöneltkisi keletin elder men kompaniyalar üşin eñ arzan qızmet öteuşi el.

Eldegi halıq twrmısı men lastanğan qorşağan ortanı alğa tarta otırıp, keybir sınşılar ündi biliginiñ bwl ärekettiñ ayıptap jatadı. Alayda, Jaña-Deli bwl wlttıq strategiya men el bolaşağı üşin jasalğan qadam desedi. Qazir Ündistannan öz zımıranın wşırğısı keletin elder men kompaniyalar sanı 250-den asıp ketti. Bwl elge milliardtağan qarjı tartumen birdey.

Ğarış keñistigin, Ay, Mars jäne basqa da ğalamşarlardı zertteu jobanıñ tek bir tarmağı ğana bolıp qaldı. Meyli qalay bolsa da Ündistan öziniñ tehnologiya salasındağı bazası men jeterlik mamandarınıñ, bağıttauşı biliginiñ arqasında bolaşaqtağı ğarıştıq derjavağa aynaluı ğajap emes. Osındayda Bayqoñır men elimizdegi balama ğarış salası eske tüsedi...

“The Qazaq Times”