Şabuıldan üreylengen kuäger. Foto: REUTERS/BBC7

Jaña Zelandiyanıñ Kraystçerç qalasında eki meşitke qarulı şabuıl jasalıp, 49 adam qaza tauıp, 20 adam auır jaraqat alğan. Jergilikti policiyası 4 qılmıs kümändisin qolğa alğan. Tintu kezinde olardıñ twrağı men avtoköliginen jarılğış zattar men qaru-jaraq tabılğanı aytıladı.

Qazir Kraystçerç qalasındağı meşitter uaqıtşa jabıldı. Tağı bir meşittiñ mañınan jarılğış tielgen kölik tabılğanı da qauipsizdik tarauları jağınan habarlanğan.

Jaña Zelandiyanıñ ükimet basşısı Jasında Ardern hanım mälimdeme jasap, kezekti oqiğanı «terrorlıq şabuıl» dep bağaladı, äri el tarihındağı eñ qaralı künderdiñ biri» dep mälimdegen.

Jaña Zelendiya qauipsizdik tarauları jergilikti qala twrğındarı üylerinen şıqpauğa keñes berude. Äri äleumettik jelide tarap jatqan keybir video-audio materialdardıñ jalğan ekenin aytadı.

Qazirge deyin qarulı şabuıldıñ maqsatı jäne onı jüzege asıruşılardıñ sanı men salauatı tolıq anıqtalıp bolmağan. Alayda, jergilikti aqparat agenttigi meşitke qaru alıp kirip oq jaudırğan er adamnıñ "australiyalıq aşınğan wltşıl" ekenin jazıp jatır.

BBC-nıñ arnaulı habarında, qarulı şabuıldıñ 20 minutqa sozılğanın, qarulı er adam meşitke kirip eñ aldımen namaz oqıp jatqan erlerge oq jaudıradı, keyin meşittegi äyelderge arnalğan bölmesine kirip oq atadı. Al, «äl-Nwr» meşitinde oq atılğannan keyin adamdar jan sauğalap qaşu kezinde adam bastırıluı bolğanın kuägerler jetkizgen. Atalğan aqparat agenttik habarında: «Jergilikti policiya aymaqta auqımdı operaciyalardı iske qostı», – dep mälimdedi.

“The Qazaq Times”