جاڭا زەلانديانىڭ كرايستچەرچ قالاسىندا ەكى مەشىتكە قارۋلى شابۋىل جاسالىپ، 49 ادام قازا تاۋىپ، 20 ادام اۋىر جاراقات العان. جەرگىلىكتى پوليتسياسى 4 قىلمىس كۇماندىسىن قولعا العان. ءتىنتۋ كەزىندە ولاردىڭ تۇراعى مەن اۆتوكولىگىنەن جارىلعىش زاتتار مەن قارۋ-جاراق تابىلعانى ايتىلادى.

قازىر كرايستچەرچ قالاسىنداعى مەشىتتەر ۋاقىتشا جابىلدى. تاعى ءبىر مەشىتتىڭ ماڭىنان جارىلعىش تيەلگەن كولىك تابىلعانى دا قاۋىپسىزدىك تاراۋلارى جاعىنان حابارلانعان.

جاڭا زەلانديانىڭ ۇكىمەت باسشىسى جاسىندا اردەرن حانىم مالىمدەمە جاساپ، كەزەكتى وقيعانى «تەررورلىق شابۋىل» دەپ باعالادى، ءارى ەل تاريحىنداعى ەڭ قارالى كۇندەردىڭ ءبىرى» دەپ مالىمدەگەن.

جاڭا زەلەنديا قاۋىپسىزدىك تاراۋلارى جەرگىلىكتى قالا تۇرعىندارى ۇيلەرىنەن شىقپاۋعا كەڭەس بەرۋدە. ءارى الەۋمەتتىك جەلىدە تاراپ جاتقان كەيبىر ۆيدەو-اۋديو ماتەريالداردىڭ جالعان ەكەنىن ايتادى.

قازىرگە دەيىن قارۋلى شابۋىلدىڭ ماقساتى جانە ونى جۇزەگە اسىرۋشىلاردىڭ سانى مەن سالاۋاتى تولىق انىقتالىپ بولماعان. الايدا، جەرگىلىكتى اقپارات اگەنتتىگى مەشىتكە قارۋ الىپ كىرىپ وق جاۋدىرعان ەر ادامنىڭ "اۋستراليالىق اشىنعان ۇلتشىل" ەكەنىن جازىپ جاتىر.

BBC-نىڭ ارناۋلى حابارىندا، قارۋلى شابۋىلدىڭ 20 مينۋتقا سوزىلعانىن، قارۋلى ەر ادام مەشىتكە كىرىپ ەڭ الدىمەن ناماز وقىپ جاتقان ەرلەرگە وق جاۋدىرادى، كەيىن مەشىتتەگى ايەلدەرگە ارنالعان بولمەسىنە كىرىپ وق اتادى. ال، «ءال-نۇر» مەشىتىندە وق اتىلعاننان كەيىن ادامدار جان ساۋعالاپ قاشۋ كەزىندە ادام باستىرىلۋى بولعانىن كۋاگەرلەر جەتكىزگەن. اتالعان اقپارات اگەنتتىك حابارىندا: «جەرگىلىكتى پوليتسيا ايماقتا اۋقىمدى وپەراتسيالاردى ىسكە قوستى»، – دەپ مالىمدەدى.

“The Qazaq Times”