Foto: Rosbalt

AQŞ-tıñ äskeri barlau qızmetin toqtatqan oficeri, käsipker jäne investor Filip  Bilden Äskeri-Teñiz küşteri ministri qızmetinen bas tarttı. Bwl turalı Pentagon basşısı Djeyms Mettistiñ mälimdemesine silteme jasap TASS habarlaydı.

Käsipkerdiñ atalmış qızmetke kandidaturasın  Donald Tramp wsınğan. Memleket basşısı Bilden turalı «Ol – öte tabıstı käsipker. Onıñ strategiyalıq özindik közqarası bar jäne tağayındalğan böliminde tärtipti jaqsartuğa qabileti jetedi» degen.

Aq üydiñ mälimdeuinşe, Bildenniñ Aziya aymaqtarındağı problemalar men  kiberqauipsizdikten habarı bar jäne olardı retteuge qauqarı da jetedi. Osıylayşa, Tramp wsınğan Pentagondağı ministrlik qızmetten bas tartqan ekinşi kandidat.

Eske sala keteyik, aqpan ayınıñ basında milliarder-investor Vinsent Viola AQŞ armiyasınıñ ministri qızmetinen bas tartqan bolatın. Oğan sebep tağı da jeke jäne qoğamdıq müddelerdiñ qayşılıqtarı bolıp tabıladı.

«The Qazaq Times»