Ben'yamin Netan'yahu BWW Bas Assambleyasında. Foto: PolitRussia.com.

Evrey memleketiniñ prem'er-ministri Ben'yamin Netan'yahu Izrail'diñ keybir arab elderimen qwpiya baylanıs ornatıp otırğanın ayttı. Izrail' men Arab elderi arasındağı soğıs kezinde jaulasqan elderdiñ birqatarı büginde Izrail'men jasırın türde tığız qarım-qatınas ornatıp kele jatqanın jetkizgen.

Netan'yahu bwnday mälimdemeni 1967 jılğı soğıs kezindegi Izrail' prem'eri Levi Eşkoldı eske alu jiınında aytqan. Ol sözinde: «Bir mezet «dwşpan» retinde bağalanğan birqatar arab elderimen büginde jaqın qarım-qatınas jasap otırmız. Özge körşiles eldermen de baylanıstı jaqsartuğa tırısamız, biraq barlıq arab elderimen emes», – degen.

Evrey eliniñ basşısı altı arab elimen jaqın qarım-qatınas qwpiya türde jüzege asıp kele jatqanın, alayda olardıñ atın atap bere almaytının jetkizgen.

Izrail' men Palestina mäselesi Orta-Tayau Şığıstıñ eñ kürdeli äri tereñ qayşılığı. Bwl mädeniet pen dinniñ jäne kürdeli wlttıq-äleumettik, ekonomikalıq qayşılıqtardıñ tüyinşegi. Degenmen, soñğı jıldarı birqatar arab elderiniñ Palestinanıñ azattığı jönindegi wstanımdarınan tayqıp ketkeni aytpasa da belgili.

Qwrama Ştat tarabı Tramp äkimşiligi bilikke kelgennen keyin Orta Şığısta birqatar jaña strategiyalardı jüzege asıruğa tırısuda. Sonıñ işinde özine odaqtas arab elderi men Izrail' arasında aşıq dialogtardı da wyımdastırıp keledi. Bwğan mısal retinde 13 aqpanda Varşavada ötken «Orta Şığıstıñ twraqtılığı men qauipsizdik bolaşağına qoldau körsetu» attı konferenciyasın aytuğa boladı. AQŞ bas bolğan şarada Saud Arabiyası, Katar, Bahreyn, Oman, Yemen jäne Birikken Arab Ämirliginiñ basşıları men Izrail' basşıları ortaq talqı ötkizgen bolatın.

“The Qazaq Times”