Foto: Arab Nyheter

Bir kün bwrın, Iran astanası Tegeranda «Palestina intifadasın qoldau» attı halıqaralıq konferenciya ötti. Bwl konferenciya osımen altınşı ret wyımdastırılıp otır. Talqı keñesine qatısqan är qaysı tarap, islam äleminiñ birligin Palestinanıñ jeñiske jetu jolı dep atadı. Bwl turalı "Parsı-Aqparat" habarlap otır.

Konferenciyağa qatısqan Resey şiitter qoğamınıñ basşısı Nizami Baloglanov, Iran Islam revolyuciyasınıñ jetekşisi Ayatolla Hameneydiñ bayandamasın alqadı. Ol sözinde: « Islam revolyuciyasınıñ jetekşisi bwl jolı, sionizm rejiminiñ Palestinağa qarsı qastandıqtarın eske salıp, älemdik sionizm degen swm qwbılısqa qarsı küresu strategiyasın jasadı», – degen bolatın. Ol jäne Iran aqparat qwraldarına bergen swhbatında: «Iran Islam respublikasınıñ irgetasın qalauşı imam Homeyni Qwds älemdik künin belgilep, Palestinanı islam äleminiñ bastı mäselesi retinde qalıptastırdı. Sondıqtan islam elderi basqınşılardıñ torına tüsken palestinalıqtarğa kömektesu üşin osı sayasattı ülgi twtuı  kerek. DAIŞ pen Djabhat an-Nosrat sındı lañkestik toptar islam älemindegi Palestina mäselesin wmıttırudı közdegen Izrail'diñ qastandıq jobalarınıñ mañızdı bölimi», – degen közqarasın aytqan.

Keñeske qatısqandar, qazirgi tañda islam elderiniñ küş-quatı izrail müddesine qwrılğan lañkestik toptarmen küresuge jwmsalıp otırğanın, osı älemdi dübirge salğan lañkestik toptardı Izrail'diñ dayındap, islam elderine qarsı aydap salğanın, al älem bolıp osı lañğa ilesip, şın mänisindegi Palestinağa jasalğan qiyanattı wmıtıp baradı degen pikirge toqtaldı. Şındığında, «DAIŞ» qatarlı lañkestik toptardıñ äreketi küşeygen kezderde Izrail' memleketi Palestina jerindegi qalaşıqtar qwrılısın jedeldete tüsti. AQŞ, Europa elderiniñ bäri Izrail'di qoldap, onıñ şekaralıq swğanaqtarına köz jwmğanımen, islam elderiniñ bosqındarınıñ öz elderinen pana swrauına tosqauıl bolıp otır. Sionizmnıñ taqırıbın taratıp aytpasaq ta, ötken ğasırdıñ 90 jıldarınan beri qaray Orta-Şığıstağı dürbeleñniñ tüpki sebebi ne ekenin bärimizge ayan.

“The Qazaq Times”