Mwstafa Şentop. Türkiya parlament spikeri. foto: aa.com.t1r

Türkiya parlamenti dauıs beruiniñ üşinşi kezeñinen keyin zañdı türde parlament spikeri retinde Mwstafa Şentoptı sayladı. Atalğan deputat Ädilettik pen damu partiyasınıñ atınan sınğa tüsken bolatın.

Dauıs beru kezinde Şentoptıñ kandidaturasın 542 deputattıñ 336-ı qoldağan. Al, Türkiya Respublikalıq halıqtıñ partiyasınıñ atınan saylauğa tüsken Engin Altayğa 124 parlamentarii öz dauıstarın bergen.

Esteriñizge sala keteyik, 18 aqpan küni Türkiya parlament spikeri Binali Yıldırım öziniñ otstavkağa ketetinin mälimdegen. Ol öziniñ bwl qadamın alda kele jatqan Stambwl qalası äkiminiñ saylauına qatısatındığımen tüsindirgen.

Osı orayda ayta ketetin bir jayt, 2018 jılı Türkiya biligi prezidenttik basqaru jüyesine ötkende parlament spikeriniñ bilik tarmağı retindegi küş-quatı qısqartılğan.

Stambwl qalası äkimin saylau 31 naurızda ötedi.

"The Qazaq Times"