AQŞ wlttıq barlau qızmetiniñ eks-direktorı Djeyms Klepper foto: vladtime.ru

AQŞ wlttıq barlau qızmetiniñ eks-direktorı Djeyms Klepper Reseylikterdiñ 1960 jıldan bastap ärtürli elderdiñ saylau jüyesine aralasqandığın mälimdedi.

Kolumbiya universitetinde öziniñ «fakt jäne qorqınış: barlau ömiriniñ qiın şındıqtarı» attı kitabınıñ twsaukeser räsimi barısında, Kreml' 2016 jılı AQŞ-tıñ saylauına aralasu jüyesin eñ alğaş Ukrainadağı saylau kezinde täjiribieden ötkizgendigin ayttı.

«Eger bılay aytar bolsaq, Ukraina zerthana bola bildi. «RF prezidenti Vladimir Putin Ukrainada öziniñ ärtürli qaruların tekserip, onıñ qanday äser beretindigin sınaqtan ötkizdi. Mwnda «jasıl adam», türli arandatuşılıqtar yağni, elektr jelileriniñ şabuılı turalı aytıp otırmız. AQŞ saylauında qoldanılğan barlıq taktika eñ alğaş Ukrainada sınaqtan ötkizildi», -dep mälimdedi Klepper.

2016 jılı AQŞ biligi partiyanıñ serveri bwzılğandığın mälimdep, Reseydi kinälağan bolatın. Sonımen qatar, Amerikadağı saylauğa aralasqandığın da atap ötken. Al, sol jıldıñ jeltoqsan ayında CRU arnayı tekseru jürgizip, nätijesinde Reseydiñ aralasuımen Donal'd Tramptıñ jeñiske jetkendigi turalı mälimdedi. Bwdan bölek, arnayı qwjattı Vladimir Putin AQŞ saylauına aralasu üşin kompaniyalarğa tikeley tapsırma bergendigi de jazılğan.

Osıdan keyin, AQŞ-tıñ arnayı prokurorı Robert Myuller 2017 jıldıñ mamır ayınan bastap, Resey biliginiñ Amerika saylauına aralasuı jäne Kreml' AQŞ prezidenti arasında boluı mümkin kelisim turalı tekseris jürgizude.

Esteriñizge sala keteyik, 2018 jıldıñ qazanında Ukraina prezidenti Petr Poroşenko Resey Ukrainadağı saylauğa belsendi türde aralasuğa dayındaluda dep mälimdegen bolatın. Osıdan keyin, Europa memleketteri alda bolatın prezidenttik saylau kezinde kiber şabuıldıñ aldın aluğa kömektesetindikterin jetkizgen.

 "The Qazaq Times"