Mwhammed bin Salman men Tramp. Foto: VOA.

Osı aptanıñ basında amerikalıq ıqpaldı aqparat qwraldarı birqatar Aq üy lauazımdılarınıñ sözine silteme jasay otırıp, Qwrama Ştattıñ yadrolıq tehnologiyalardı Saud Arabiyasımen bölisudi josparlap otırğanın habarlağan. Bir kün bwrın Iran SİM basşısı Mwhammed Jevad Zarif mälimdeme jasap, Tramp biliginiñ äreketin ayıptadı.

«Tvitter» paraqşasında jasağan mälimdemesinde Iran SİM basşısı AQŞ ükimetiniñ jurnalist Haşoggi ölimine köz jwma qarauı men yadrolıq tehnologiyanı bölisu mäselesin salıstırıp Qwrama Ştat biligin «ekijüzdi» dep ayıptağan.

AQŞ prezidenti 12 aqpanda yadrolıq qarulardı damıtuşı kompaniyalarmen ötkizgen kezdesuinde de Saud Arabiyasımen yadrolıq tehnologiyalardı, keybir tehnikalardı bölisu turalı keñesken.  

VOA aqparattıq agenttiginiñ habarına qarağanda, Demokrattardıñ basqaruındağı Ökilder palatasınıñ bayandamasında da bwl turalı söz bolğan. Onda Aq üydiñ Saud Arabiyasımen yadrolıq tehnologiyalardı bölisui aymaqtıñ twraqtılığın bwzatını, öñirde yadrolıq qaruğa qol jetkizuge degen bäsekeniñ küşeyip, qauipsizdik mäselesi dağdarısqa wşıraytının eskertken.

 “The Qazaq Times”