مۇحاممەد بين سالمان مەن ترامپ. فوتو: VOA.

وسى اپتانىڭ باسىندا امەريكالىق ىقپالدى اقپارات قۇرالدارى بىرقاتار اق ءۇي لاۋازىمدىلارىنىڭ سوزىنە سىلتەمە جاساي وتىرىپ، قۇراما شتاتتىڭ يادرولىق تەحنولوگيالاردى ساۋد ارابياسىمەن ءبولىسۋدى جوسپارلاپ وتىرعانىن حابارلاعان. ءبىر كۇن بۇرىن يران ءسىم باسشىسى مۇحاممەد جەۆاد زاريف مالىمدەمە جاساپ، ترامپ بيلىگىنىڭ ارەكەتىن ايىپتادى.

«تۆيتتەر» پاراقشاسىندا جاساعان مالىمدەمەسىندە يران ءسىم باسشىسى اقش ۇكىمەتىنىڭ جۋرناليست حاشوگگي ولىمىنە كوز جۇما قاراۋى مەن يادرولىق تەحنولوگيانى ءبولىسۋ ماسەلەسىن سالىستىرىپ قۇراما شتات بيلىگىن «ەكىجۇزدى» دەپ ايىپتاعان.

اقش پرەزيدەنتى 12 اقپاندا يادرولىق قارۋلاردى دامىتۋشى كومپانيالارمەن وتكىزگەن كەزدەسۋىندە دە ساۋد ارابياسىمەن يادرولىق تەحنولوگيالاردى، كەيبىر تەحنيكالاردى ءبولىسۋ تۋرالى كەڭەسكەن.  

VOA اقپاراتتىق اگەنتتىگىنىڭ حابارىنا قاراعاندا، دەموكراتتاردىڭ باسقارۋىنداعى وكىلدەر پالاتاسىنىڭ بايانداماسىندا دا بۇل تۋرالى ءسوز بولعان. وندا اق ءۇيدىڭ ساۋد ارابياسىمەن يادرولىق تەحنولوگيالاردى ءبولىسۋى ايماقتىڭ تۇراقتىلىعىن بۇزاتىنى، وڭىردە يادرولىق قارۋعا قول جەتكىزۋگە دەگەن باسەكەنىڭ كۇشەيىپ، قاۋىپسىزدىك ماسەلەسى داعدارىسقا ۇشىرايتىنىن ەسكەرتكەن.

 “The Qazaq Times”