Palestina basşısı Mahmud Abbas. Foto: NTV.

Palestina basşısı Mahmud Abbas Izrail'ge qarata eskertu jasadı. Izrail' tarabınıñ Palestina halqına jäne qasietti qwndılıqtarına qarsı zañ bwzuşılıq äreketterge barğanın, öñirde dinaralıq qaqtığıstı örşite tüskenin ayıptadı.

Mahmud Abbas sözinde: «Palestina halqına, mwsılmandar men hristiandardıñ qasietti qwndılıqtarına jasalğan qiyanat, palestinalıq şeyitter men twtqındağı azamattarına, olardıñ otbasına bölingen qarajattı qısqartu arqılı Izrail' biligi öz näsilşildigin tanıttı. Sonımen birge ortadağı barlıq kelisimdi bwzdı», – dedi.

Palestina basşısı Izrail' äskerleriniñ äl-Aqsa meşitine palestinalıqtardı kirgizbeui öñirdegi dini qaqtığıstı qasaqana örşitu ekenin aytadı.

Izrail' äskerleri osı aptanıñ basında äl-Aqsa meşitiniñ şığıs qaqpasın jauıp, temir tormen qorşağan. Bwl palestinalıq mwsılmandardıñ narazılıq şeruine aparıp soqtı. Narazı top pen qarulı küşter arasında qaqtığıs orın aldı. Izrail' tarabı belsendilerdi tergeuge alğan.

“The Qazaq Times”