S-17 äskeri tasımal wşağı. Foto: VOA.

AQŞ äskeri wşaqtarı Venesuelağa kömek körsetuge qatıspaq. Aqparat qwraldarınıñ aytuınşa, bwl Maduronıñ socialistik rejimin älsiretuge öz äserin tigizbek.

AQŞ äskerleriniñ tikeley qatısuı ötken jwma küni bastaldı. Associated Press-tiñ habarına qarağanda Florida ştatındağı Homsted Äue küşteriniñ rezervtik qorınan 180 tonna jük tielgen üş birdey S-17 äskeri-tasımal wşağı attanğan. Bwl wşaqtar Kolumbiyanıñ Venesuelamen şekaralas Kukuta qalasına qonğan. Bwğan deyin Venesuelağa jetkiziletin kömekti sol eldegi kommerciyalıq wşaqtar jüzege asırıp kelgen.

Kukuta qalası Kolumbiyadağı gumanitarlıq kömekterdi jinau ortalığı qızmetin atqarıp twr. Özin uaqıtşa ükimet basşısı retinde jariyalağan Huan Guaydo halıqaralıq gumanitarlıq kömekti Kukuta qalası arqılı taratıp berip keledi. Biraq, oppoziciya tarabı Venesuelanıñ şekara qızmetiniñ gumanitarlıq kömekterdiñ şekaradan kiruine kedergi jasap otırğanın aytadı.

Venesuela prezidenti Nikolas Maduro AQŞ bastağan elderdiñ gumanitarlıq kömegi kerek emes ekenin aytıp mälimdeme jasağan. Sonımen birge eldegi ekonomikalıq dağdarıstıñ bastı sebebi AQŞ-tıñ Venesuelağa qaratqan «qastandıq sayasatınıñ» nätijesi ekenin aytqan.

“The Qazaq Times”