Iran prezidenti Hasan Ruhani Islam revolyuciyasınıñ 40 jıldığına oray wyımdastırılğan şarada mälimdeme jasap, Irannıñ äskeri quatın arttırudı jedeldetip, zımıran bağdarlamasın keñeytu jwmıstarın qolağa alatındarın jariyaladı.  

«Är türli zımırandardı damıtu üşin basqalardan rwqsat alıp otırmaymız, äskeri quatımızdı jalğastı arttıra beremiz», – dedi prezident Ruhani. Tehran (Tegeran) biligi twraqtı türde äskeri quattı damıtu arqılı Iran Islam Respublikasınıñ egemendigi men müddesin qorğaytının jetkizgen.

Osıdan bwrın Qwrama Ştat Irandı BWW-nıñ №2231 şeşimine qayşılıq jasadı dep ayıptağan bolatın. Irannıñ SİM basşısı Behram Qasımi bwğan qarsı mälimdeme jasap, bwl ayıptaudı AQŞ-tıñ kezekti «swrqiyalığı» retinde bağalağan bolatın.

Sırtqı ister ministri Qasımi sözinde: «AQŞ bwnday äreketter arqılı öziniñ yadrolıq kelisimdegi qate şeşimin jasırğısı keledi. Iran qorğanıs quatı men zımıran bağdarlamasın damıta beredi», – degen.

Degenmen, Irannıñ äskeri quatın arttıruı öñirdegi twraqtılıq ornatpaytını anıq. Orta Şığıstağı negizgi oyınşılardıñ biri bolğan Iran Saud Arabiyası men Izrail'ge negizgi qarsılas. Bwl öñirdegi üş oyınşı arasındağı äskeri bäsekeni arttırıp, öñirde jaña janjaldı taqırıptardıñ tuuına mwrındıq boluı bek mümkin.

“The Qazaq Times”