يران اسكەري قۋاتى مەن زىمىران باعدارلاماسىن كەڭەيتەتىنىن جاريالادى

يران پرەزيدەنتى حاسان رۋحاني يسلام رەۆوليۋتسياسىنىڭ 40 جىلدىعىنا وراي ۇيىمداستىرىلعان شارادا مالىمدەمە جاساپ، يراننىڭ اسكەري قۋاتىن ارتتىرۋدى جەدەلدەتىپ، زىمىران باعدارلاماسىن كەڭەيتۋ جۇمىستارىن قولاعا الاتىندارىن جاريالادى.  

«ءار ءتۇرلى زىمىرانداردى دامىتۋ ءۇشىن باسقالاردان رۇقسات الىپ وتىرمايمىز، اسكەري قۋاتىمىزدى جالعاستى ارتتىرا بەرەمىز»، – دەدى پرەزيدەنت رۋحاني. تەھران (تەگەران) بيلىگى تۇراقتى تۇردە اسكەري قۋاتتى دامىتۋ ارقىلى يران يسلام رەسپۋبليكاسىنىڭ ەگەمەندىگى مەن مۇددەسىن قورعايتىنىن جەتكىزگەن.

وسىدان بۇرىن قۇراما شتات يراندى بۇۇ-نىڭ №2231 شەشىمىنە قايشىلىق جاسادى دەپ ايىپتاعان بولاتىن. يراننىڭ ءسىم باسشىسى بەحرام قاسىمي بۇعان قارسى مالىمدەمە جاساپ، بۇل ايىپتاۋدى اقش-تىڭ كەزەكتى «سۇرقيالىعى» رەتىندە باعالاعان بولاتىن.

سىرتقى ىستەر ءمينيسترى قاسىمي سوزىندە: «اقش بۇنداي ارەكەتتەر ارقىلى ءوزىنىڭ يادرولىق كەلىسىمدەگى قاتە شەشىمىن جاسىرعىسى كەلەدى. يران قورعانىس قۋاتى مەن زىمىران باعدارلاماسىن دامىتا بەرەدى»، – دەگەن.

دەگەنمەن، يراننىڭ اسكەري قۋاتىن ارتتىرۋى وڭىردەگى تۇراقتىلىق ورناتپايتىنى انىق. ورتا شىعىستاعى نەگىزگى ويىنشىلاردىڭ ءبىرى بولعان يران ساۋد ارابياسى مەن يزرايلگە نەگىزگى قارسىلاس. بۇل وڭىردەگى ءۇش ويىنشى اراسىنداعى اسكەري باسەكەنى ارتتىرىپ، وڭىردە جاڭا جانجالدى تاقىرىپتاردىڭ تۋىنا مۇرىندىق بولۋى بەك مۇمكىن.

“The Qazaq Times”