foto: gagauz.md

Ukraina Memlekettik şekara qızmeti azamattarına uaqıtşa Belarussiyağa şıqpauğa şaqırıp otır. Mwnıñ bastı sebei Resey Federaciya men Belarus' äskerileri qosıla jattığu jasap jatqan körinedi.

Ukraina Memlekettik şekara qızmetiniñ spikeri Oleg Slobodyan tikeley efir barısında: «Belarussiya men RF arasındağı auqımdı jattığu jiını şekaralıq aymaqtağı birneşe audandardıñ jağdayın qiındatıp jiberdi. Sebebi RF qarulı küşteri Belarussiya şekarasın tolıqtay tastap ketken joq. Sonımen qatar, Reseylikter onda özderin erkin sezinetindikterin de jaqsı bilesizder. Osığan baylanıstı barlıq jağday qalıpqa kelmeyinşe, şekaradan şıqpaularıñızdı swranamız. Qazirgi taida Reseylikter mwnıñ barlığın jaqsı bayqauda, sonımen birge twtqınğa wstau qauipi de joq emes» dep mälimdedi.

Esteriñizge sala keteyik, 2018 jıldıñ soñına qaray Kerş bwğazında Reseylikter Ukraina sarbazdarın twtqınğa alıp, Poroşenko 30 kündik soğıs jağdayın jariyalağan bolatın. 2014 jıldan beri qarım-qatınası üzilgen qos memleket qazirgi tañda salqın sayasat wstanıp otır.

"The Qazaq Times"