foto: zhardem.kz

Bas qala baspana mäselesine endi köñil böle bastağanday. Qazirgi tañda köp balalı otbasılardı üymen qamtamasız etu üşin jaña qwrılısqa qarjı izdey bastağan. Bwl turalı industriya jäne infrastrukturanı damıtu ministri Jeñis Qasımbek mälimdedi.

«Bwl ülken tragediya. Qiın, äri öte auır swraq. «Nwrlı jer» bağdarlamasınıñ bastı  maqsatı halıqqa qol jetimdi päterler men üylerdi wsınu. Sonımen birge, köpbalalı otbasılarğa baspana beru. Biıl biz jıl sayınğı baspana qwrılısına bölinetin qarjını 25 milliard tengeden, 35 milliardqa ösirdi. Osınıñ arqasında 4 mıñ jalğa alınatın päter twrğızılmaq. Onıñ işinde köpbalalı otbasılar da bar», dedi ministr Jeñis Qasımbek.

Sonımen qatar, jalğa beriletin üylerdi tağı da köbeytu üşin  qosımşa qarjı taqırıbın ükimet basşısınıñ orınbasarı Erbolat Dosaevpen talqılaytındığın jetkizdi.

Jergilikti bilik orındarınıñ aqparatı boyınşa, qazirgi tañda 28 mıñ otbası baspana kezegin kütude. Olardıñ qonıs toyın qaşan toylaytındığı da belgisiz.

Esteriñizge sala keteyik, 4 aqpan küni Astana qalasındağı Köktal audanında ornalasqan jaldamalı päterden ört şığıp, 5 büldirşin qaza tapqan bolatın. Ata-anası jwmısqa ketip, qarausız qalğan balalardı qızıl jalınnan araşalap qalu mümkin bolmadı. 5 balanı asırau üşin üş aylıq närestesin tastap jwmısqa şıqqan ata-ana bar bolğanı 40 minuttıñ işinde 5 balapanınan ayırıldı.

Sonımen qatar, memleketten bölinetin 16000 teñge järdemaqını köp degen ministr Madina Äbilqasımova äli künge deyin aşıq mälimdeme jasamay otır. Al, merzimdi dekretke şıqqan analardıñ qu tirlikke erte aralasuı «özderiniñ tañdauı» degen Svetlana Jaqıpovanıñ sözi qazir qalıñ jwrttıñ aşuına tigendigi belgili.

Oqiğadan keyin qimıldaytın bizdiñ biliktegiler, qanşama jağdaylar bolğanımen, äli künge deyin der kezinde mälimde jasap, qayğıdan bwrın kömekterin sozuğa asığar emes.  Şırıldağan halıqtıñ dauısınan oyanatındar, qaşan öz betimen jwmıs isteytindigi bwlıñğır bolaşaqtıñ enşisinde.

"The Qazaq Times"