foto: rg.ru

Qırğızstannıñ Şu oblısına qarastı Jaña-jer auılında terrorizm jäne ekstremizmmen sottalğandarğa arnalğan № 27-şi bölek korpus aşıldı.

180 adamğa arnalğan ğimarattıñ qwrılısı men jabıdqatarına Qırğız memleketi 33 million 928 mıñ som bölgen eken.

Qırğızstan Memlekettik jazasın öteu qızmetiniñ basşısı Talaybek Japarovtıñ sözinşe, terrorlıq äreketter men ekstremizmge qatısı bar azamattar bölek kamerada otıruı tiis.  Sonday-aq Belovod auılında ornalasqan koloniyanıñ janınan tağı bir korpus salu josparda bar ekendigin tilge tiek etti. Öytkeni, Qırğız elinde qamauda otırğandardıñ statistikasına köz jügirtsek, mwnday jandar dini sauatı tömen azamattardı öz erikterine oñay köndirip aladı eken.

Qazirgi tañda jalpı Qırğız Respublikasında 600-den astam azamat ekstremizm jäne terrorizm boyınşa öz merzimderin öteude. Soñğı birneşe jıldıñ işinde, resmi olardıñ tek, törteui ğana bwl bağıttan bas tartqan eken.

Jañadan salınğan ğimaratta sottalğan azamattar sportpen şwğıldanıp, seruendeuine jağday jasalğan. Sonımen qatar arnayı öndiris wstaraları da eñbek etem degen azamattar üşin äzir twr Bwdan bölek, barlıq qılmıskerlerdi arnayı şeberlikke üyretip, däris soñında arnayı sertefikat beru de qarastırılğan.

Qazirgi tañda jaña korpusqa jüz adamdı almastırğan. Bolaşaqta bos orındarğa özge türmelerdegi ekstremizm jäne terrorizmmen jazalanğandardı auıstıru közdelude. Osılayşa Qırğızstan bilik ökilderi jat ağımnıñ jeteginde ketken azamattardı bölek otırğızıp, bağıttarın özgertudi qalap otır. Sebebi, mwnday jandardı qalıptı dinge äkelu eñ qiın jwmıstardıñ biri.

“The Qazaq Times”