Keşe Almatıda  «Azamattarğa arnalğan ükimet» memlekettik korporaciyasınıñ Almatı qalası filialı Memlekettik qızmet isteri jäne sıbaylas jemqorlıqqa qarsı is-qimıl agenttiginiñ Almatı qalası boyınşa departamenti jäne «Almatı – adaldıq alañı» jobalıq ofisimen birge  №5 mamandandırılğan halıqqa qızmet körsetu ortalığında «Adaldıq Alañı»  jobasınıñ iske asırıluına oray brifing ötkizdi.

2019 jılı jwmısın bastağan «Almatı – adaldıq alañı» jobasınıñ maqsatı - memlekettik qızmet beru bağıtında sıbaylas jemqorlıqtı azaytu, halıqtıñ memlekettik bilik organdarına degen senimin arttıru bolmaq.

Büginde elimizde sıbaylas jemqorlıq faktilerin boldırmau jäne qızmet aluşılardıñ qızmetkerlermen ärekettesu körsetkişin tömendetu maqsatında cifrlandıru mümkindikteri belsendi qoldanıluda. «Azamattarğa arnalğan ükimet» memlekettik korporaciyası Almatı qalası boyınşa filialınıñ direktorı Ğalım Qarqınbaevtıñ aytuınşa, korporaciyanıñ cifrlandıru jobaları aşıqtıqtı qamtamasız etu, sıbaylas jemqorlıqqa äkep soğatın faktorlardı boldırmau, ekonomikalıq qaytarım jäne qızmet körsetu sapasın arttıruğa negizdelgen.

"Biz azamattardıñ elektrondıq qızmetterdi paydalanu deñgeyin arttıru maqsatında 60/40 jaña qağidatına säykes, front-ofisterde keñ auqımdı transformaciyalaudı jürgizip jatırmız. YAğni, front-ofistegi jwmıs aymağınıñ 60 % azamattardıñ qızmetterdi öz betinşe alu sektorına arnap otırmız. Osılayşa, biz qızmet aluşılardıñ anıqtamalar men basqa da kerekti qwjattardı özdiginen aluın qamtamasız etpekpiz", – deydi Ğalım Abibollawlı.

Almatı qalasında 15 front-ofis jwmıs isteydi, onıñ 5-i mamandandırılğan HQO. Ondağı cifrlıq alañda özine-özi qızmet körsetu sektorları ornalasqan. Ötken jılı mwnda 1,588 mln astam azamatqa memlekettik qızmetterdi öz betinşe alu tärtibi üyretildi. Bwl jwmıs aldağı uaqıtta da jalğasın tabadı.

Ayta keteyik,  memlekettik qızmetter reestrindegi 752 qızmettiñ 621-i, yağni 81 %-ı memlekettik korporaciya arqılı qoljetimdi. Onıñ 506-ın elektrondıq nwsqada aluğa boladı. 2018 jıldıñ 12 ayında «Azamattarğa arnalğan ükimet» memlekettik korporaciyası KEAQ Almatı filialı 3,6 mln. memlekettik qızmet körsetti, onıñ işinde 1,4 mln., yağni 40 %-ı elektrondıq täsilmen körsetildi.

"The Qazaq Times"