Kievtiñ Oblon audandıq sotı Ukrainanıñ eks-prezidenti Viktor YAnukoviçti memleketke opasızdıq jasadı dep tanıdı.

Sotqa jiberilgen qwjattardıñ birinde 2014 jıldıñ birinşi naurızında YAnukoviç Resey Federaciyasınıñ prezidenti Vladimir Putinge Ukraina şekarasına äsker kirgizip, okkupaciya arqılı basıp alu turalı ötinişi körsetilgen.

Bwdan bölek Lucenko Ukrainağa äkelgen zardap töñireginde de söz qozğadı. Ukraina Qauipsizdik qızmetiniñ tarauı, eldegi aqparattıq qauipsizdiktiñ joyıluı, ekonomikağa äkelgen zardabı jäne jau tarapına ötip, Ukraina şekarasınıñ birtwtastığın saqtap qala almağanı üşin ayıptap otır.

Alayda, tis qaqqan sayasatker men onıñ qorğauşısı Resey basşısına eşqanday mwqtajdıq hatın jibermegenin aytıp aqtaluda.

Bwğan deyin birnişe ayğa jalğasqan tergeu kezinde Ukrainanıñ qazirgi prezidenti Petr Poroşenko, eks-prem'er Arseniy YAcenyuk, Joğarğı rada spikeri Andrey Parubiy, İİD basşısı Arsen Avakov jäne Qauipsizdik keñesiniñ basşısı Aleksandr Turçino kuäger retinde tergeuge aralasqan.  Äuel bastan osı taqırıp töñireginde 89 ret sot otırısı ötti. Alayda, ärkez soñğı sözin aytu üşin şaqırılatın eks-prezident beynekonferenciyağa sol küyi şıqqan joq.

YAnukoviç 2014 jılı Reseydiñ uaqıtşa pana beruine baylanıstı Ukrainadan qaşqan  bolatın. Al, onıñ tergeu jwmıstarı ötken jıldıñ mausım ayında bastalğan.

Esteriñizge sala keteyik, Ukrainadağı sayasi dağdarıs 2014 jılı Euroodaq associaciyasına Viktor YAnukoviçtiñ qol qoymauınan keyin payda boldı.Osı twsta halıq Kievtegi Maydanda jappay narazılıq şeruine şığıp özderiniñ qarsılıqtarın körsetti. Bwdan keyin YAnukoviç pen onıñ jaqtastarı qarapayım halıqqa oq atıp 100-den astam adam qwrban bolğan.

Qazirgi tañda kinäläuşi tarap Viktor YAnukoviçti 15 jılğa bas bostandığınan ayırudı swrap otır. Biraq, sayasatker öziniñ kinäsin moyındamauda.

"The Qazaq Times"