![](https://qazaqtimes.com/kk/content/uploads/2019/01/images-1-800x480.jpg?token=e21c7bdff068d71295504730810ee1d4)
Almatı oblısı Wzınağaş eldi mekeninde wlttıq wlan äskeri qızmetşisi äskeri bölimde basına oq attı. Bwl turalı belgili otandıq BAQ-ta aytıldı.
Osılayşa, twp-tura Astanada memleket basşısı «Jastar jılın» qıruar qarjınıñ qwdiretimen aşuğa niet etkende, öziniñ tuğan öñirinde täuelsiz elin qorğaytın bir jas jauınger köz jwmdı. Ärine, bwl oqiğanıñ «Jastar jılınıñ» aşılu saltanatımen tikeley qatısı bolmauı kerek. Alayda, dabıralı toy aldında prezident sengen jastar sanatındağı jauıngerdiñ aydıñ-künniñ amanında däl osı küni öz basına özi ajal qaruın tösep twrıp mert boluı tegin bolmasa kerek-ti?!
Endi, «däl osı künde» dep aytuımızğa sebep bolğan naqtı mälimetke jüginelik.
"2018 jılı mausımda Astanada qalalıq qorğanıs isteri jönindegi departamenti şaqırtqan qatardağı jauınger Qojan Wlasbek 2019 jılı 23 qañtarda şamamen sağat 01:35-te özine berilgen qarudan basına oq atqan. Alğan jaraqatınan ol qaytıs boldı», – dep mälimdedi wlttıq wlannıñ "Oñtüstik" öñirlik qolbasşılığınıñ baspasöz qızmeti.
Qaytalap aytamız: «2019 jılı 23 qañtarda şamamen sağat 01:35-te» delingen qısqa habarlamada.
YAğni, Astanada quanış pen madaq-maqtaudıñ şwrqırasuı bastalmay twrıp, Almatı oblısında azat eldiñ wlanınıñ qoğamğa (äldekimge) narazı öliminiñ sebepşi dauısı – suıq qaru üni şıqtı. Älde, toydıñ daqpırtınıñ qattılığınan, älde däl osı küni Qorğanıs ministrliginiñ «Jastar jılınıñ» aşıluında jas ölimdi estirtkisi kelmegeninen be, äyteuir, suıq habar otandıq BAQ-ta da keş taradı.
Ayta keteyik, büginde Almatı äskeri tergeu basqarması aytılğan derekke qatıstı sotqa deyingi tergeu şaraların birıñğay reestrge tirkegen. Nätijesinde, qazir qızmettik tekseru tağayındalıp, atalğan oqiğanıñ män-jayı anıqtaluda.