foto: aa.com.tr

Irannıñ «Peyam» attı otandıq sputnigi belgilengen orbitasına jete almadı. Bwl turalı Irannıñ telekommunikaciya ministri Mwhammed Javed Äzeri Jehromi mälimdedi.

Ministrdiñ sözinşe, zımıran tasmaldauşı15 qañtar küni Irannıñ jergilikti uaqıtımen sağat 04:00-de «Imam Homeyni» kosmodromınan wşırılğan.

«Zımıran tasmaldauşınıñ birinşi jäne ekinşi kezeñi ştattıq kestege säykes sätti jürgizildi. Alayda, ajıratu kezinde tehnikalıq aqaularğa baylanıstı zımıran tasmaldauşı öziniñ jwmısın tolıqqandı ayaqtay alğan joq. Sonımen qatar, jıldamdıqtıñ da jetkiliksiz bolğandığın añğardıq. Osılayşa, atalğan sputnik belgilingen orbita keñistigine jetpedi» dep mälimdedi Jehromi.

Sonday-aq, osıdan eki apta bwrın Teheran (Tegeran) biligi orbitağa «Peyam» jäne «Dusti» attı eki zımırandı wşıratındığın aytqan bolatın. Bwdan bölek onıñ eşqanday da qorğanıs üşin jasalmağandığın jetkizgen.

Esteriñizge sala keteyik, ötken jıldıñ 3 qazanında AQŞ-tıñ bas hatşısı Mayk Pompeo ballistikalıq zımırandardı qoldanu üşin zımıran tasmaldauşı tehnologiyanı orbitağa wşıruğa dayındaluda dep mälimdegen bolatın. Sonımen birge, Teheran (Tegeran) atalğan sputnikti orbitağa wşırudan bas tartuğa şaqırğan edi. Endi Irannıñ soñğı mälimdemesinen keyin, AQŞ-tıñ bwl mäsele töñireginde bir jauap berui äbden mümkin.

"The Qazaq Times"