يراننىڭ «پەيام» اتتى وتاندىق سپۋتنيگى بەلگىلەنگەن وربيتاسىنا جەتە المادى. بۇل تۋرالى يراننىڭ تەلەكوممۋنيكاتسيا ءمينيسترى مۇحاممەد جاۆەد ازەري جەحرومي مالىمدەدى.
ءمينيستردىڭ سوزىنشە، زىمىران تاسمالداۋشى15 قاڭتار كۇنى يراننىڭ جەرگىلىكتى ۋاقىتىمەن ساعات 04:00-دە «يمام حومەيني» كوسمودرومىنان ۇشىرىلعان.
«زىمىران تاسمالداۋشىنىڭ ءبىرىنشى جانە ەكىنشى كەزەڭى شتاتتىق كەستەگە سايكەس ءساتتى جۇرگىزىلدى. الايدا، اجىراتۋ كەزىندە تەحنيكالىق اقاۋلارعا بايلانىستى زىمىران تاسمالداۋشى ءوزىنىڭ جۇمىسىن تولىققاندى اياقتاي العان جوق. سونىمەن قاتار، جىلدامدىقتىڭ دا جەتكىلىكسىز بولعاندىعىن اڭعاردىق. وسىلايشا، اتالعان سپۋتنيك بەلگىلىنگەن وربيتا كەڭىستىگىنە جەتپەدى» دەپ مالىمدەدى جەحرومي.
سونداي-اق، وسىدان ەكى اپتا بۇرىن تەھەران (تەگەران) بيلىگى وربيتاعا «پەيام» جانە «دۋستي» اتتى ەكى زىمىراندى ۇشىراتىندىعىن ايتقان بولاتىن. بۇدان بولەك ونىڭ ەشقانداي دا قورعانىس ءۇشىن جاسالماعاندىعىن جەتكىزگەن.
ەستەرىڭىزگە سالا كەتەيىك، وتكەن جىلدىڭ 3 قازانىندا اقش-تىڭ باس حاتشىسى مايك پومپەو بالليستيكالىق زىمىرانداردى قولدانۋ ءۇشىن زىمىران تاسمالداۋشى تەحنولوگيانى وربيتاعا ۇشىرۋعا دايىندالۋدا دەپ مالىمدەگەن بولاتىن. سونىمەن بىرگە، تەھەران (تەگەران) اتالعان سپۋتنيكتى وربيتاعا ۇشىرۋدان باس تارتۋعا شاقىرعان ەدى. ەندى يراننىڭ سوڭعى مالىمدەمەسىنەن كەيىن، اقش-تىڭ بۇل ماسەلە توڭىرەگىندە ءبىر جاۋاپ بەرۋى ابدەن مۇمكىن.
رەسپۋبليكاشىلدار يمميگراتسيالىق وپەراتسيانى سىنعا الدى، بىراق ترامپتى اشىق ايىپتاۋدان تارتىندى
ۇكىم وزگەرمەدى. مەملەكەتتىك ءتىلدىڭ قۇنى — ءتورت جىل تۇرمە مە؟
يرانداعى قانتوگىس پەن سىرتقى قىسىم: ترامپتىڭ ەكىۇشتى سيگنالى
كونستيتۋتسيا تاعى وزگەرمەك: رەفورما ما، الدە بيلىكتى قايتا قۇراستىرۋ ما؟
اقش «تاساداعى فلوتقا» توسقاۋىل قويدى: Olina تانكەرى جانە تەڭىزدەگى جاڭا سانكتسيالىق سوعىس
اتىراۋداعى جۇمباق جوعالۋ مەن ادام ءولىمى: ءىز-ءتۇزسىز ارتىلعان وتباسى، پوليتسيا تەرگەۋى جانە قوعام رەاكتسياسى