Photo: AFP

Iran armiyası düysenbi küni Irannıñ Alborz provinciyasında qwlağan jük wşağı äskeri wşaq ekendigin jäne borttağı 16 adamnıñ 15-iniñ qaza tapqanın mälimdedi, dep jazadı Reuters aqparat agenttigi.

«Qırğızstannan Iranğa et tasımaldaytın Boeing 707 jük wşağı bügin Faz (Fath) äuejayına apattı jağdayda qondı jäne bortinjeneri auruhanağa jetkizildi», - dep jazılğan mälimdemede.

Äzirge wşaqtıñ kimge tiesili ekendigi belgisiz. Irannıñ azamattıq aviaciyasınıñ ökili memlekettik telearnağa bergen swhbatında wşaqtıñ Qırğızstanğa tiesili ekenin aytqan. Al, Qırğızstannıñ Manas äuejayınıñ ökili atalğan jük wşağı Irannıñ Payam Air kompaniyasına tiesili ekenin mälimdedi.

Ayta keteyik, bwğan deyin Irannıñ memlekettik bwqaralıq aqparat qwraldarı apatqa wşırağan wşaqtıñ bortında 10 adam bolğanın habarlağan edi.

"The Qazaq Times"