Photo: AFP

يران ارمياسى دۇيسەنبى كۇنى يراننىڭ البورز پروۆينتسياسىندا قۇلاعان جۇك ۇشاعى اسكەري ۇشاق ەكەندىگىن جانە بورتتاعى 16 ادامنىڭ 15-ءىنىڭ قازا تاپقانىن مالىمدەدى، دەپ جازادى Reuters اقپارات اگەنتتىگى.

«قىرعىزستاننان يرانعا ەت تاسىمالدايتىن Boeing 707 جۇك ۇشاعى بۇگىن فاز (Fath) اۋەجايىنا اپاتتى جاعدايدا قوندى جانە بورتينجەنەرى اۋرۋحاناعا جەتكىزىلدى»، - دەپ جازىلعان مالىمدەمەدە.

ازىرگە ۇشاقتىڭ كىمگە تيەسىلى ەكەندىگى بەلگىسىز. يراننىڭ ازاماتتىق اۆياتسياسىنىڭ وكىلى مەملەكەتتىك تەلەارناعا بەرگەن سۇحباتىندا ۇشاقتىڭ قىرعىزستانعا تيەسىلى ەكەنىن ايتقان. ال، قىرعىزستاننىڭ ماناس اۋەجايىنىڭ وكىلى اتالعان جۇك ۇشاعى يراننىڭ Payam Air كومپانياسىنا تيەسىلى ەكەنىن مالىمدەدى.

ايتا كەتەيىك، بۇعان دەيىن يراننىڭ مەملەكەتتىك بۇقارالىق اقپارات قۇرالدارى اپاتقا ۇشىراعان ۇشاقتىڭ بورتىندا 10 ادام بولعانىن حابارلاعان ەدى.

"The Qazaq Times"