Küni keşe Moñğoliyada «MANAN» yağni bay-şeneunikterge qarsı narazılıq şerudiñ ekinşi tolqını bastaldı.

Moñğol jwrtşılığı jemqor şeneunikterge qarsılıqtarın bildirip, parlamenttiñ spikerin jwmıstan ketuin talap etti. Tipti Moñğoliyanıñ ortalıq alañına jinalğan halıqtı qoldau maqsatında parlamenttiñ birqatar müşeleri de kelgen eken. Jwrtşılıqpen birge biliktegi jemqorlarğa qarsı şığuşılardıñ arasında bwrın jurnalistika salasında qızmet etip, qazir deputat bolğan M. Oyuunçimeg te bar. Alayda, näzik jandı şeneuniktiñ qımbat şarfı kerisinşe, halıqtıñ tipti aşuına tidi.

Älemdegi eñ qımbat sän kompaniyalarınıñ biri Lui Vyuittonnıñ (Louis Vuitton) şarfın taqqan M. Oyuunçimegti, qarapayım twrğındar halıqtı mazaq etu üşin keldi dep sınap tastadı. Öytkeni, mwnday qwndı düniege ärbir adamnıñ qol jetikize bermeytindigi haq. Alayda, tığırıqtan şıqpaq bolıp öz pikirin bildiruge tırısqan deputattıñ oyı, halıq arasındağı jağdaydı tipti uşıqtırıp jiberdi.

«Bügin aua rayı jılı bolatındığın boljap, şarfımdı almağan edim, biraq, qwrbım meniñ jağdayıma alañdap öziniñ şarfın bergen. Onıñ qwnı qanşa twratındığı turalı swramadım jäne mwnıñ qanday şarf ekendigin de oylağan joqpın. Bolaşaqta mwnday jağdayğa abay bolamın» degen deputqa, äleumettik jelilerden kütpegen jauaptar qaytarıldı. «Keşiriñiz, siz bwl şarftı Moñğol halıq partiyasınıñ äyelder forumı kezinde taqqan ediñiz» dep, kütpegen tosın sıy jasadı. Osılayşa, M. Oyuunçimegti halıq arasında «ötirikşi deputat» dep atay bastadı.

"The Qazaq Times"