كۇنى كەشە موڭعوليادا «MANAN» ياعني باي-شەنەۋنىكتەرگە قارسى نارازىلىق شەرۋدىڭ ەكىنشى تولقىنى باستالدى.

موڭعول جۇرتشىلىعى جەمقور شەنەۋنىكتەرگە قارسىلىقتارىن ءبىلدىرىپ، پارلامەنتتىڭ سپيكەرىن جۇمىستان كەتۋىن تالاپ ەتتى. ءتىپتى موڭعوليانىڭ ورتالىق الاڭىنا جينالعان حالىقتى قولداۋ ماقساتىندا پارلامەنتتىڭ بىرقاتار مۇشەلەرى دە كەلگەن ەكەن. جۇرتشىلىقپەن بىرگە بيلىكتەگى جەمقورلارعا قارسى شىعۋشىلاردىڭ اراسىندا بۇرىن جۋرناليستيكا سالاسىندا قىزمەت ەتىپ، قازىر دەپۋتات بولعان م. ويۋنچيمەگ تە بار. الايدا، نازىك جاندى شەنەۋنىكتىڭ قىمبات شارفى كەرىسىنشە، حالىقتىڭ ءتىپتى اشۋىنا ءتيدى.

الەمدەگى ەڭ قىمبات ءسان كومپانيالارىنىڭ ءبىرى لۋي ۆيۋيتتوننىڭ (Louis Vuitton) شارفىن تاققان م. ويۋنچيمەگتى، قاراپايىم تۇرعىندار حالىقتى مازاق ەتۋ ءۇشىن كەلدى دەپ سىناپ تاستادى. ويتكەنى، مۇنداي قۇندى دۇنيەگە ءاربىر ادامنىڭ قول جەتىكىزە بەرمەيتىندىگى ھاق. الايدا، تىعىرىقتان شىقپاق بولىپ ءوز پىكىرىن بىلدىرۋگە تىرىسقان دەپۋتاتتىڭ ويى، حالىق اراسىنداعى جاعدايدى ءتىپتى ۋشىقتىرىپ جىبەردى.

«بۇگىن اۋا رايى جىلى بولاتىندىعىن بولجاپ، شارفىمدى الماعان ەدىم، بىراق، قۇربىم مەنىڭ جاعدايىما الاڭداپ ءوزىنىڭ شارفىن بەرگەن. ونىڭ قۇنى قانشا تۇراتىندىعى تۋرالى سۇرامادىم جانە مۇنىڭ قانداي شارف ەكەندىگىن دە ويلاعان جوقپىن. بولاشاقتا مۇنداي جاعدايعا اباي بولامىن» دەگەن دەپۋتقا، الەۋمەتتىك جەلىلەردەن كۇتپەگەن جاۋاپتار قايتارىلدى. «كەشىرىڭىز، ءسىز بۇل شارفتى موڭعول حالىق پارتياسىنىڭ ايەلدەر فورۋمى كەزىندە تاققان ەدىڭىز» دەپ، كۇتپەگەن توسىن سىي جاسادى. وسىلايشا، م. ويۋنچيمەگتى حالىق اراسىندا «وتىرىكشى دەپۋتات» دەپ اتاي باستادى.

"The Qazaq Times"