AQŞ prezidenti Donal'd Tramp Aq üyde. Foto: m.altairk.ru

AQŞ prezidenti Donal'd Tramp demokratiyalıq partiya basşılığımen kezdesudi ortadan üzdi. Oğan demokrattardıñ Meksikamen şekarada qabırğa qwrılısınıñ jobasın qoldaudan bas tartqanı sebep.

Demokrattardıñ AQŞ-ta Meksikamen şekara qwrılısın saluğa 5,7 mlrd dollar böluden bas tartuına baylanıstı 22 jeltoqsannan bastap «şatdaun» dep atalatın ükimet qwrılımdarınıñ jwmısın işinara toqtatu jalğasuda. Tramp öz sözinde: «Men demokrattarğa mınaday saual tastadım: eger men AQŞ ükimetiniñ jwmısın qayta bastasam, sender Meksikamen aradağı qabırğanı salu turalı qwjatqa qol qoyasıñdar ma? Sol kezde Nensi «joq» dedi, al men «onda sau bolıñdar!» dep qısqa qayırdım. Eger biz osı qwrılıstı bastasaq, gumanitarlıq dağdarıstı toqtata alamız», – dep Meksikamen qabırğanıñ asa mañızdılığı turalı mälimdedi

Prezident demokratiyalıq partiya ökilderin aldağı uaqıtta Aq üyge şaqırmaq. Ol zañsız köşi-qondı, esirtki ağının toqtatu jäne gumanitarlıq dağdarıstı toqtatu üşin şekaradağı metall kederginiñ qwrılısın qoldaudı talqılaydı. Al ökilder palatasınıñ spikeri Nensi Pelosi men Senattağı demokratiya köşbasşısı Çak Şumer Trampqa aldımen şatdaundı toqtatıp, qabırğa qwrılısı boyınşa debat ötkizu turalı wsınıs bildirdi.

Bwl «şatdaun» – Tramp biligi kezindegi üşinşi jäne eñ wzaqqa sozılğan üzilis. Osı daudıñ saldarınan memlekettik organdardıñ 25%-ı qarjılandırudan ayırıldı. Bwl İşki qauipsizdik ministrligi, Sauda ministrligi, İİM men Qarjı ministrligine qatıstı. Sonımen qatar, Smitson institutınıñ wlttıq sayabaqtarı men mwrajayları jabıldı. 800 mıñnan astam memlekettik qızmetker aqılı demalısqa ketti. Bekitilmegen byudjet saldarınan 22 jeltoqsannan beri AQŞ federaldı biliginiñ jwmısı işinara toqtatıldı. Qazirgi şatdaun AQŞ tarihındağı eñ wzaq üzilis boluı mümkin. 1995-1996 jılı bolğan ükimet üzilisi 21 kün boyı jalğasqan.

"The Qazaq Times"