Bolton Qıtay tehnologiyaları qauipsizdikke qater töndiretinin eskertken. Foto: VOA7

AQŞ-tıñ Wlttıq qauipsizdik jönindegi keñesşisi Bolton Izrail' prem'er-ministri Netan'yahuğa Qıtay investiciyasınan saq bolu turalı eskertti. Bolton bwl mälimdemesin Izrail'ge jasağan resmi saparı kezinde ortağa salğan.  

Jerusalem Post basılımınıñ habarına qarağanda, Bolton Qıtaydıñ Izrail'ge salğan investiciyalarınan, äsirese Hayfa portına bağıttağan investiciyasınan saq boludı eskertedi.

Qıtaydıñ ükimettik qoldauına ie Şanhay Halıqaralıq port grup (SIPG) 2015 jılı Izrail' ükimeti jariyalağan tenderin wtıp alıp, Hayfa portın salu jäne 25 jılğa deyin ielik etu qwqığına ie bolğan. Atalğan port qwrılısı 2021 jılı ayaqtaladı dep kütilude. Alayda, AQŞ-Qıtay qarım-qatınasınıñ salqındauına baylanıstı Uaşington tarabı Qıtaydıñ şeteldegi investiciyasınan alañdaydı.

Hayfa Port - AQŞ teñiz flotı jii paydalanatın mañızdı port.  Sondıqtan da, Qwrama Ştat tarabı Qıtay atalğan porttan paydalanıp AQŞ teñiz flotı turalı mälimetterdi ala aladı jäne Orta Şığıstağı öz ıqpalın keñeytedi dep alañdaydı.

Alayda, Izrail'diñ Porttardı damıtu jäne qazına kompaniyasınıñ atqaruşı törağası Ram Belnikov izrail'diñ «Jahan» basılımına bergen swhbatında AQŞ-tıñ alañdauşılığın teriske şığaradı. Onıñ aytuınşa, atalğan kompaniya men Qıtay tarabı arasında qol qoyılğan kelisimşart qwpiya qauipsizdik qosımşasın öz işine qamtidı. Olardıñ arasında Qıtaydıñ Izrail' qauipsizdigin qwrmetteuge bergen uäde  bar. Biraq, atalğan basılım Izrail' Qorğanıs ministrligi men Qauipsizdik keñesi bwnday kelisimşarttan habarsız ekenin jazadı.

Jaqında Izrail' ükimeti Qıtay tarabınıñ port qwrılısı men onı basqarudı qalay qamtamasız etetinin bağalau qorıtındısın jasap, bwl mäseleniñ AQŞ pen Izrail' qarım-qatınasına keri äser körsetpeytinin rastağan.

Sonıñ özinde AQŞ teñiz küşteri Altınşı teñiz flotı endigi jerde Hayfa portın paydalanudı toqtatuı mümkin ekenin habarlağan. Biraq, atalğan teñiz flotınıñ resmi ökili jasağan mälimdemede: «Altınşı teñiz flotı Hayfa portı arqılı qatınaudı jalğastıra jäne Izrail'men teñiz äskeri oqu-jattığuların toqtatpaydı», – degen. Mälimdemede: «Bizdiñ Izrail'men mämilemiz özgergen joq. Izrail' äli de bizdiñ senimdi sergimiz. Biraq, 2021 jılı ne bolatının boljay almaymız, 2021 jılı qanday şeşim qabıldaytınımızdı ayta almaymız», – delingen.

Bolton Izrail' saparı kezinde Qıtay tehnologiyalarınıñ qateri turalı da eskertu jasağan. Ol China Telecom kompaniyasınıñ Huawei jäne ZTE jabdığı qauipsizdikke qater töndiredi dep ayıptağan.  Biraq, atalğan qıtaylıq kompaniyalar bwl ayıptaulardı joqqa şığaradı.

“The Qazaq Times”