Malayziya Sırtqı ister ministri, Foto: The New York Times.

Malayziya Köpjaqtı Sırtqı ister ministriniñ orınbasarı Zaynal Abidin (H.E Ambassador Raja Nushirwan Zainal Abidin) bügin, 20 aqpan, Soltüstik Koreya elşisi Czyan Çjemen kezdesti. Korey elşisi 17 aqpanda BAQ-qa bergen mälimdemesinde Malayziya ükimetin ayıptağan bolatın.

Malayziya Köpjaqtı Sırtqı İster ministrlig. Foto: Sina.NET

Bwl ayıptaular men kezdesulerdiñ, Malayziyada Soltüstik Korey joğarı basşısınıñ ağasına jasalğan qastandıq oqiğası sebebinen bolıp otırğanın esteriñizge salamız. Keşegi küni, 19 aqpanda, Malayziya Koroldik policiya organı qastandıq jasau isine qatısı bar degen 11 adamdı twraqtandırğan edi. Qazir olardan 4 adamdı twtqındap, 7 adamğa quğındau bwyrığın jariyalağanı mälim bolıp otır. Bwl turalı Sina.Net agenttigi habarlaydı.

Malayziya Sırtqı ister ministri sözinde: «Kuala-Lampur äuejayındağı kisi öltiru oqiğası tosın jağdayda tuıldı, alayda Malayziya ükimeti qılmıstıq isti tekserip anıqtauğa barınşa nazar audardı, tergeu jäne anıqtau isin qalıptı türde jürgizip kelemiz. Oqiğa jalpı barısı tolıqtay aşılıp boldı deuge boladı. Malayziya barlıq aktilerde özindik maydanında twrdı. Biz Soltüstik Korey jaqtıñ tekserip anıqtauğa kömektesu talabın toytarıp otırmız», – degen pikirin bildirdi.

Ayta keteyik, qastandıq jasau isine qatıstı degen 7 er adamnıñ beseui Soltüstik Koreya azamatı ekeni anıqtalıp otır. Al qalğan eki küdiktiniñ suretteri äli anıqtalu üstinde. Malayziya sot ekspert därigerleri Kim Çen Nannıñ sağat 11 de jan üzgenin, qoldanğan ulı zattıñ qwramı, kelip şığuı äli de jiñişkelikpen tekserudi talap etetinin mälimdedi. Qılmıstıq is tuılğan orında bolğanı rastalğan üş adamnıñ ekeui äyel (Malayziyadağı şetel azamatı), al bir er adamnıñ malayziyalıq ekeni anıqtaldı. Tergeu isine qolğa tüsken malayziyalıq azamattıñ köp kömegi tiip otır deydi policiya organdarı. Oqiğa tuılğan orında bwdan tıs 4 adamnıñ bolğanın, onıñ ekeuiniñ sureti anıqtap tekserudiñ äli ayaqtalmağanın, alayda koreyalıqtar boluı mümkin  degen boljam da bar.

Malayziya policiya tarauları qastandıq jasau isin tolıqtay anıqtap şığuğa senim bildirdi. Halıqaralıq aqparat qwraldarında är türli boljamdar arasında qastandıqtıñ perde artında Soltüstik Koreyanıñ özi twrğan boluı mümkin degen de pikirler bar.

“ The Qazaq Times”