مالايزيا سىرتقى ىستەر ءمينيسترى، فوتو: The New York Times.

مالايزيا كوپجاقتى سىرتقى ىستەر ءمينيسترىنىڭ ورىنباسارى زاينال ابيدين (H.E Ambassador Raja Nushirwan Zainal Abidin) بۇگىن، 20 اقپان، سولتۇستىك كورەيا ەلشىسى تسزيان چجەمەن كەزدەستى. كورەي ەلشىسى 17 اقپاندا باق-قا بەرگەن مالىمدەمەسىندە مالايزيا ۇكىمەتىن ايىپتاعان بولاتىن.

مالايزيا كوپجاقتى سىرتقى ىستەر مينيسترلىگ. فوتو: Sina.NET

بۇل ايىپتاۋلار مەن كەزدەسۋلەردىڭ، مالايزيادا سولتۇستىك كورەي جوعارى باسشىسىنىڭ اعاسىنا جاسالعان قاستاندىق وقيعاسى سەبەبىنەن بولىپ وتىرعانىن ەستەرىڭىزگە سالامىز. كەشەگى كۇنى، 19 اقپاندا، مالايزيا كورولدىك پوليتسيا ورگانى قاستاندىق جاساۋ ىسىنە قاتىسى بار دەگەن 11 ادامدى تۇراقتاندىرعان ەدى. قازىر ولاردان 4 ادامدى تۇتقىنداپ، 7 ادامعا قۋعىنداۋ بۇيرىعىن جاريالاعانى ءمالىم بولىپ وتىر. بۇل تۋرالى Sina.Net اگەنتتىگى حابارلايدى.

مالايزيا سىرتقى ىستەر ءمينيسترى سوزىندە: «كۋالا-لامپۋر اۋەجايىنداعى كىسى ءولتىرۋ وقيعاسى توسىن جاعدايدا تۋىلدى، الايدا مالايزيا ۇكىمەتى قىلمىستىق ءىستى تەكسەرىپ انىقتاۋعا بارىنشا نازار اۋداردى، تەرگەۋ جانە انىقتاۋ ءىسىن قالىپتى تۇردە جۇرگىزىپ كەلەمىز. وقيعا جالپى بارىسى تولىقتاي اشىلىپ بولدى دەۋگە بولادى. مالايزيا بارلىق اكتىلەردە وزىندىك مايدانىندا تۇردى. ءبىز سولتۇستىك كورەي جاقتىڭ تەكسەرىپ انىقتاۋعا كومەكتەسۋ تالابىن تويتارىپ وتىرمىز»، – دەگەن پىكىرىن ءبىلدىردى.

ايتا كەتەيىك، قاستاندىق جاساۋ ىسىنە قاتىستى دەگەن 7 ەر ادامنىڭ بەسەۋى سولتۇستىك كورەيا ازاماتى ەكەنى انىقتالىپ وتىر. ال قالعان ەكى كۇدىكتىنىڭ سۋرەتتەرى ءالى انىقتالۋ ۇستىندە. مالايزيا سوت ەكسپەرت دارىگەرلەرى كيم چەن ناننىڭ ساعات 11 دە جان ۇزگەنىن، قولدانعان ۋلى زاتتىڭ قۇرامى، كەلىپ شىعۋى ءالى دە جىڭىشكەلىكپەن تەكسەرۋدى تالاپ ەتەتىنىن مالىمدەدى. قىلمىستىق ءىس تۋىلعان ورىندا بولعانى راستالعان ءۇش ادامنىڭ ەكەۋى ايەل (مالايزياداعى شەتەل ازاماتى), ال ءبىر ەر ادامنىڭ مالايزيالىق ەكەنى انىقتالدى. تەرگەۋ ىسىنە قولعا تۇسكەن مالايزيالىق ازاماتتىڭ كوپ كومەگى ءتيىپ وتىر دەيدى پوليتسيا ورگاندارى. وقيعا تۋىلعان ورىندا بۇدان تىس 4 ادامنىڭ بولعانىن، ونىڭ ەكەۋىنىڭ سۋرەتى انىقتاپ تەكسەرۋدىڭ ءالى اياقتالماعانىن، الايدا كورەيالىقتار بولۋى مۇمكىن  دەگەن بولجام دا بار.

مالايزيا پوليتسيا تاراۋلارى قاستاندىق جاساۋ ءىسىن تولىقتاي انىقتاپ شىعۋعا سەنىم ءبىلدىردى. حالىقارالىق اقپارات قۇرالدارىندا ءار ءتۇرلى بولجامدار اراسىندا قاستاندىقتىڭ پەردە ارتىندا سولتۇستىك كورەيانىڭ ءوزى تۇرعان بولۋى مۇمكىن دەگەن دە پىكىرلەر بار.

“ The Qazaq Times”