Photo: an.info

Keşe The Guardian basılımınıñ sarapşısı Saymon Tisdalldıñ biılğı sayasi taqırıptarğa şolu jasay kele, 2018 jıldı avtokrattardıñ jılı boldı degen maqalası jariyalandı.

Saymon: "2018 jıl adamzattıñ ömiri men ğalamşardıñ bolaşağına qauip töndiretin şeşimder qabıldanğan jıl boldı. Aytalıq, Amerikada Donal'd Tramp, Reseyde Vladimir Putin, Qıtayda Şi Jiñpin jäne bükil älemdegi  ekinşi därejeli avtokrattar özderiniñ wlttıq jäne jeke müddelerin birinşi orınğa qoyıp, demokratiyalıq jäne zañdı  qwqıqtardı, sonımen birge, adam qwqıqtarın bwzuğa bağıttalğan şaralardı köptep qoldandı" deydi. Maqalada bastı nazar joğarıda atalğan twlğalardıñ şeşimderi men is-äreketterine bağıttalğan.

Ol Resey prezidenti Vladimir Putin jayında "Nätijesi aldın ala belgili bolğan saylauğa qatısıp,  Reseydiñ prezidenti bolıp qayta saylanuı sayasi arenada onıñ üstemdigin odan äri arttıra tüsti.  Sonımen birge, ol Reseydiñ şet elderdegi üstemdigin, Qıtaymen birlesken äskeri jattığulardı ötkizip, Baltıq elderi men Soltüstik Atlantikadağı NATO qorğanıs jüyelerinen kemşilikter tabuğa tırısıp, Europadağı jäne Balqandağı saylau nätijelerine äser etu üşin jalğan aqparat taratatın kampaniyalarğa jügindi", - deydi.

Al Tramp pen Putinniiñ Finlyandiyadağı kezdesuinde AQŞ basşısınıñ Resey prezidentimen kezdesude qwrmet körsetui aqparat betterinde biraz talqılanıp, tipti, Reseydiñ Angliyada himiyalıq qaru qoldanğanı belgili bolsa da, Tramp Mäskeudiñ bwl is-äreketin sınaudan bas tartqandığın atap ötken.

2018 jılğı jañalıqtardıñ bastı taqırıptarınıñ biri Donal'd Tramptıñ özi boldı degen Saymon: "Alayda ol jañalıqtardıñ köbi jağımsız. Ol eşqanday sındı dwrıs qabıldamaydı, eşkimmen sanaspay erkin şeşimder qabıldap, şındıqtardı bwrmalağanı üşin basqa elderdiñ avtokrattarı tarapınan sınğa wşırap otır,  sonday-aq, Tramptıñ zañ bwzuşılıqtarına qatıstı mäseleleri arta tüsude, öytkeni "2016 jılı Reseydegi saylauğa Tramptıñ qatısı bar ma?"degen saual äli jauabın tapqan joq" degendi nazarda wstağan.

"Al, QHR Törağası Şi Jiñpin köşbasşı bolu merzimin şekteytin zañğa özgertu engizip, özin mäñgilik törağa etip jariyalauı arqılı 2018 jılı biligin odan äri nığayta tüsti. Ol da Vladimir Putin sekildi Oñtüstik Qıtay teñizindegi  araldarda äskeri bazalar qwrıp, Tayvan' elimen diplomatiyalıq kelisimderge şekteu qoyıp, älemdik arenada Qıtaydıñ küş-quatın körsetip otır" deydi.

Sonday-aq, Saymon joğarıda atalğan bileuşilerden basqa Braziliya prezidenti Jayr Bolsanarudı, Venesuela basşısı Nikolas Maduronı, Filippin prezidenti Rodrigo Duterte, Mısır prezidenti Abdel' Fattah äl-Sisidi,  türik köşbasşısı Rejep Tayıp Erdoğandı, Soltüstik Koreya basşısı Kim Çen Indı jäne Saud Arabiya hanzadası Mwhammed ben Salmandı avtokrattar qatarına jatqızadı.

"The Qazaq Times"