كەشە The Guardian باسىلىمىنىڭ ساراپشىسى سايمون تيسداللدىڭ بيىلعى ساياسي تاقىرىپتارعا شولۋ جاساي كەلە، 2018 جىلدى اۆتوكراتتاردىڭ جىلى بولدى دەگەن ماقالاسى جاريالاندى.
سايمون: "2018 جىل ادامزاتتىڭ ءومىرى مەن عالامشاردىڭ بولاشاعىنا قاۋىپ توندىرەتىن شەشىمدەر قابىلدانعان جىل بولدى. ايتالىق، امەريكادا دونالد ترامپ، رەسەيدە ۆلاديمير پۋتين، قىتايدا شي جيڭپين جانە بۇكىل الەمدەگى ەكىنشى دارەجەلى اۆتوكراتتار وزدەرىنىڭ ۇلتتىق جانە جەكە مۇددەلەرىن ءبىرىنشى ورىنعا قويىپ، دەموكراتيالىق جانە زاڭدى قۇقىقتاردى، سونىمەن بىرگە، ادام قۇقىقتارىن بۇزۋعا باعىتتالعان شارالاردى كوپتەپ قولداندى" دەيدى. ماقالادا باستى نازار جوعارىدا اتالعان تۇلعالاردىڭ شەشىمدەرى مەن ءىس-ارەكەتتەرىنە باعىتتالعان.
ول رەسەي پرەزيدەنتى ۆلاديمير پۋتين جايىندا "ناتيجەسى الدىن الا بەلگىلى بولعان سايلاۋعا قاتىسىپ، رەسەيدىڭ پرەزيدەنتى بولىپ قايتا سايلانۋى ساياسي ارەنادا ونىڭ ۇستەمدىگىن ودان ءارى ارتتىرا ءتۇستى. سونىمەن بىرگە، ول رەسەيدىڭ شەت ەلدەردەگى ۇستەمدىگىن، قىتايمەن بىرلەسكەن اسكەري جاتتىعۋلاردى وتكىزىپ، بالتىق ەلدەرى مەن سولتۇستىك اتلانتيكاداعى ناتو قورعانىس جۇيەلەرىنەن كەمشىلىكتەر تابۋعا تىرىسىپ، ەۋروپاداعى جانە بالقانداعى سايلاۋ ناتيجەلەرىنە اسەر ەتۋ ءۇشىن جالعان اقپارات تاراتاتىن كامپانيالارعا جۇگىندى", - دەيدى.
ال ترامپ پەن ءپۋتيننيىڭ فينلياندياداعى كەزدەسۋىندە اقش باسشىسىنىڭ رەسەي پرەزيدەنتىمەن كەزدەسۋدە قۇرمەت كورسەتۋى اقپارات بەتتەرىندە ءبىراز تالقىلانىپ، ءتىپتى، رەسەيدىڭ انگليادا حيميالىق قارۋ قولدانعانى بەلگىلى بولسا دا، ترامپ ماسكەۋدىڭ بۇل ءىس-ارەكەتىن سىناۋدان باس تارتقاندىعىن اتاپ وتكەن.
2018 جىلعى جاڭالىقتاردىڭ باستى تاقىرىپتارىنىڭ ءبىرى دونالد ترامپتىڭ ءوزى بولدى دەگەن سايمون: "الايدا ول جاڭالىقتاردىڭ كوبى جاعىمسىز. ول ەشقانداي سىندى دۇرىس قابىلدامايدى، ەشكىممەن ساناسپاي ەركىن شەشىمدەر قابىلداپ، شىندىقتاردى بۇرمالاعانى ءۇشىن باسقا ەلدەردىڭ اۆتوكراتتارى تاراپىنان سىنعا ۇشىراپ وتىر، سونداي-اق، ترامپتىڭ زاڭ بۇزۋشىلىقتارىنا قاتىستى ماسەلەلەرى ارتا تۇسۋدە، ويتكەنى "2016 جىلى رەسەيدەگى سايلاۋعا ترامپتىڭ قاتىسى بار ما؟"دەگەن ساۋال ءالى جاۋابىن تاپقان جوق" دەگەندى نازاردا ۇستاعان.
"ال، قحر توراعاسى شي جيڭپين كوشباسشى بولۋ مەرزىمىن شەكتەيتىن زاڭعا وزگەرتۋ ەنگىزىپ، ءوزىن ماڭگىلىك توراعا ەتىپ جاريالاۋى ارقىلى 2018 جىلى بيلىگىن ودان ءارى نىعايتا ءتۇستى. ول دا ۆلاديمير پۋتين سەكىلدى وڭتۇستىك قىتاي تەڭىزىندەگى ارالداردا اسكەري بازالار قۇرىپ، تايۆان ەلىمەن ديپلوماتيالىق كەلىسىمدەرگە شەكتەۋ قويىپ، الەمدىك ارەنادا قىتايدىڭ كۇش-قۋاتىن كورسەتىپ وتىر" دەيدى.
سونداي-اق، سايمون جوعارىدا اتالعان بيلەۋشىلەردەن باسقا برازيليا پرەزيدەنتى جاير بولسانارۋدى، ۆەنەسۋەلا باسشىسى نيكولاس مادۋرونى، فيليپپين پرەزيدەنتى رودريگو دۋتەرتە، مىسىر پرەزيدەنتى ابدەل فاتتاح ءال-ءسيسيدى، تۇرىك كوشباسشىسى رەجەپ تايىپ ەردوعاندى، سولتۇستىك كورەيا باسشىسى كيم چەن ىندى جانە ساۋد ارابيا حانزاداسى مۇحاممەد بەن سالماندى اۆتوكراتتار قاتارىنا جاتقىزادى.
كيبەرشابۋىلعا ۇشىراعان باق وكىلدەرى قۇقىق قورعاۋ ورگاندارىنا ارىز ءتۇسىردى
Oyan, Qazaqstan قوزعالىسىنىڭ تاعى ءبىر بەلسەندىسىن پوليتسيا بولىمىنە شاقىردى
ورتالىق ازيا: تاريحي، ساياسي جانە ەكونوميكالىق مۇددەلەر اياسىندا
قىرعىزستاندا تاۋەلسىز Kloop باسىلىمىنىڭ قىرعىز تىلىندەگى سايتى بۇعاتتالدى
ەكس-مينيستر ايەلىن ساباپ ءولتىردى دەگەن كۇدىكپەن ۇستالدى