Kanadalıq CP-140 patrul'dik wşağı. Foto: Global News.

AQŞ-tıñ talabımen qıtaylıq Huawei kompaniyasınıñ qarjı direktorı Mıñ Uanjou Kanadada twtqındalğannan keyin, Kanada men Qıtay qarım-qatınası şielenise tüsti. Qos taraptarda bir-birine qarsı mälimdemeler jasaluda. Bir kün bwrın Kanadanıñ Qorğanıs vedomstvosınıñ basşısı Jonatan Vens mälimdeme jasap, qazan ayında kanadalıq äskeri wşaqtar Soltüstik Koreyağa jaqın halıqaralıq äue keñistiginde Qıtay äskeri wşaqtarınıñ qısımına wşırağanın ayttı.

Bwl turalı Jonatan Vens Kanadanıñ habar taratu korporaciyasınıñ swhbatın qabıldağan kezde ortağa saldı. Ol bwl isti «Qıtay tarabınıñ öreskel äreketteriniñ seriyası» dep bağalağan.

Ol sözinde kanadalıq qorğanıs küşteri tikeley qauipke wşıramağanın, degenmen, Qıtay äskeri wşaqtarı orınsız äreketke barıp uaqıtsız uaqıtta kanadalıq wşaqtarğa jaqın kelgenin aytadı.

Kanada Qorğanıs ministrliginiñ mälimetine qarağanda, CP-140 patrul'dik wşağı, BWW-nıñ 2375 jäne 2397 qararlarına säykes, Soltüstik Koreyağa teñizdegi kontrabanda äreketteriniñ aldın alu, äsirese kemeler arasındağı tauar almasudı qamtamasız etu üşin monitoring jürgizip jatqan.

Kanada tarabınıñ aytuınşa, belgisiz bağıtta payda bolğan Qıtay äskeri wşaqtarı  tüsiniksiz radio baylanısın paydalanğan. Venstiñ aytuınşa, Japoniya, Australiya jäne Jaña Zelandiya wşaqtarı da atalğan operaciyalardı jüzege asıru kezinde Qıtay äskeri wşaqtarınıñ qısımına wşırağan.

“The Qazaq Times”