Huawei kompaniyası qarjılıq qoldauşılarınan ayırıldı. Foto: VOA.

Qwrama Ştattağı tanımal basılım The Wall Street Journal-dıñ habarına qarağanda, eki iri transwlttıq bank qıtaylıq tehnologiya köşbasşısı Huawei-di qarjılay qoldaudı toqtata twratının mälimdegen.

HSBC jäne Standard Chartered qatarlı iri bankter Huawei kompaniyası üşin qarjılay qoldau jasau nemese qızmet körsetudiñ qwnı tım qımbatqa tüsetinin aytadı. Atalğan basılımnıñ aytuınşa, bwl eki bank Huawei-diñ jahandıq qarjı narığına şığuına ülken röl atqarıp kelgen.

Huawei kompaniyası – Qıtay tehnologiya kompaniyalarınıñ köşbasşısı. Ol Qıtaydıñ eñ iri telekommunikaciyalıq jabdıqtarın öndiretin käsipornı. Qazirgi kezde AQŞ-tıñ Iranğa bağıttağan sankciyasın bwzdı degen ayıppen Ädilet ministrligi jağınan tergeu qabıldauda.

Kompaniyanıñ qarjı direktorı Mıñ Uanjou AQŞ-tıñ ötinişi boyınşa Kanadada twtqındalıp, keyin kepildikpen bosatıldı. AQŞ tarabı Mıñ Uanjoudı Iranğa qarsı sankciyanı bwzu üşin alayaqtıq jasadı dep küdiktenedi. Mälimetterge qarağanda, joğarıda atalğan HSBC banki Mıñ Uanjoudıñ jalğan mälimetterin qabıldağan.

Qazir Huawei kompaniyasınıñ älemniñ 170-ten astam elindegi jwmıstarına Citibank banktik qızmet körsetip otır. The Wall Street Journal basılımınıñ habarına qarağanda, Citibank mälimdeme jasap Huawei kompaniyasına qızmet öteu josparın qayta qarastıratının, bwl rette AQŞ tarabınıñ mämilesine basa nazar audaratının aytqan.

HSBC bank bolsa ötken jılı Huawei-ge jaña qarjı qızmetterin wsınudı toqtatu turalı şeşim qabıldadı. Al, jaqında bwnday şeşimdi Standard Chartered Bank te qabıldağan. Aldağı uaqıtta Citibank atalğan kompaniyasına qızmet öteuden bas tartatın bolsa, qıtaylıq tehnologiyası barlıq qarjılay qoldauşısınan ayırılıp qaladı. Bwl Huawei-ge qara bwlt üyirilgenmen birdey.

“The Qazaq Times”