Mihail Saakaşvili foto: versiya.info

Gruziya parlamentiniñ basşısı Irakliy Kobahidze eks-prezident Mihail Saakaşvilidiñ üstinen tağı bir qılmıstıq is qozğaluı mümkin ekendigin ayttı.

Onıñ oyınşa, Prezident saylauı ayaqtalğannan keyin, Saakaşvili barlıq äskerdi, policiya men şeneunikterdi beybitşilikke şaqırıp, jaña prezidenttiñ kim bolatındığmen Ortalıq Saylau Komissiyasınıñ mälimdemesinen bwrın jwrtşılıqtı qwlağdar etken. Arada birneşe sağat ötkennen keyin ğana OSK Salome Zurabişvilidiñ zañdı türde prezident atanğandığın mälimdedi. Saylau tärtibin bwzıp, öziniñ jaqtastarı arqılı alğaş bolıp aqparatqa ie boldı dep ayıp taqqan Kobahidze, bwl äreketi üşin jazalanuı mümkin ekendigin ayttı.

Esteriñizge sala keteyik, Mihail Saakaşvili Gruziya eliniñ üşinşi prezidenti bolıp 2013 jılı Georgiy Margvelaşvilige orının bosatqan bolatın. Bwdan keyin onıñ üstinen qılmıstıq ister qozğalıp Halıqaralıq izdeu jariyalanğan. Parlament deputatı Valeriya Gelaşvilidi wrğan üşin 6 jılğa, 2005 jılı "Gruziya bank" qızmetkeriniñ ölimine qatısı bar degen küdikpen 3 jılğa jäne Tbilisige bölingen qarjını jeke basına paydalanıp 5 million dollardı jımqırdı degen ayıptar tağılğan eks-prezidentke tağı bir ayıp tağıluı mümkin.

“The Qazaq Times”