Qırküyektegi jüzdesu. Foto: Yonhap,

Argentinada ötken G20 sammitinen eline oralğannan keyin, AQŞ prezidenti Donal'd Tramp aldağı jıldıñ bas şeninde Soltüstik Koreya basşısın tağı bir ret kezdesuge şaqırğanın mälimdedi. Sonday-aq, ol KHDR eñ joğarı basşısı Kim Joñ Un jıl soñına deyin Seulge resmi saparmen barıp, Oñtüstik Koreya prezidenti Mün Jayn men kezdesetinin de alğa tarttı.

Qırküyekte Oñtüstik-Soltüstik Koreya basşıları kezdesken kezde Kim Joñ Un jıl soñına deyin Seulge saparlay baruğa uäde bergen bolatın. Dwrısında, Mün Jayn Kim Joñ Undı Seulge şaqırdı.  Alayda, jıl soñı jaqındağan sayın, Kim Joñ Un uädesin orınday ma, Korey tübegindegi tarihi sapar jüzege asa qoya ma degen saualdar tuındauda.

Bwl jöninde Mün Jaynnıñ baspasöz hatşısı Li Joñsi jurnalisterge: «Eki eldiñ jetekşileri de wqsas közqarasta. Olar Soltüstik Koreya basşısı Kim Joñ Unnıñ Seul saparı Korey tübeginiñ beybitşilik procesine degen küş-jigerdi arttıradı dep qaraydı», – dep mälimdegen.

Mün Jaynnıñ jıl soñına deyin Seulge kel deuiniñ üş türli sebebi bar deuge boladı:

Birinşiden, Mün jayn sapar jüzege asıp jatsa, el işinde ükimetiniñ qoldau körsetkişi joğarlay tüsedi dep ümittenip otır. Öytkeni, ekonomikalıq qaljırauğa baylanıstı eldegi sayası jağday jaqsı emes. Soñğı kezde, Oñtüstik Koreyada Mün Jayn ükimetin qoldau deñgeyi tömendep ketti. Statistikalıq mälimetter eldiñ 48,4 payız halqı ğana Mün Jaynge senim artıp otır. Al, ol üş ay bwrın Kim Joñ Unmen kelissöz ötkizgen kezde qoldau körsetkişi 60 payızğa deyin jetken edi.

Ekinşiden, Mün Jayn Kim Joñ Undı Seulge äkelu arqılı oñtüstik koreyalıqtardı Soltüstik Koreyanıñ özgergenine sendirgisi keledi. YAğni, «olar özgerdi, Soltüstik Koreya men Kim Joñ Un aytqanında twradı» degen pikirdi qalıptastırğısı keledi.

Üşinşiden, eger Tramp pen Kim Joñ Unnıñ ekinşi retki kezdesuinen bwrın Mün Jayın Soltüstik Koreya basşısı Seulge äkele alsa, onda Korey tübegindegi eki taraptıñ qarım-qatınası AQŞ pen Soltüstik Koreya qatınasın jaqsartuğa mümkindik beredi.

Bir anığı, Kim Joñ Unnıñ Seul saparınıñ bol bolmauı tikeley Pioñyañğa (Phen'yan) baylanıstı. KHDR basşısı Seulge barıp jatsa, bwl aqpan ayında ötui mümkin AQŞ-KHDR sammitin jeñildete tüsedi degen boljamdar bar. Biraq, taraptardıñ diplomatiyalıq qwlşınıstarına qaramastan AQŞ-tıñ sankciya tegeurini bosamaytının anıq añğarttı.

 

Tramp äkimşiligi Kim Joñ Unnıñ Seul saparına qarata Aq üyden arnayı mälimdeme jasağan. Mälimdemede Soltüstik Koreyanıñ yadrolıq qarudan bastartuı Korey tübeginiñ örkendeui men beybit twraqtılığınıñ birden bir kepili ekenin eskertken. Äri, bwl turalı AQŞ pen Oñtüstik Koreya prezidentteri äldeqaşan ortaq pikirge kelip bolğanın qaytalağan. Sondıqtan da, yadrolıq qarusızdanu jüzege asqanğa deyin qatañ sankciyalardı saqtap twrudıñ mañızdılığın köbirek aytqan. Al, prezident Mün Jayn G20 sammitinen keyin jurnalisterge bergen swhbatında,  prezident Tramptıñ Kim Joñ Un turalı «öte jaqsı pikirde ekenin», «Kim Joñ Undı wnatatının» aytqan bolatın.

Alayda, jwrtşılıqqa jıl soñına deyin Soltüstik Koreya basşısınıñ Seul saparı bolatın-bolmaytını jäne onıñ Oñtüstik Koreya astanasına jasağan saparında qanday maqsatqa qol jetkizudi közdeytini äli belgisiz. Keybir sarapşılardıñ aytuınşa, meyli qanday maqsatpen barsa da, Kim Joñ Unnıñ Seul saparı jüzege asatın bolsa bwl tarihi simvoldıq mäni bar oqiğa bolıp qaladı. Biraq oylandıratın bir mäsele – Kimniñ Seul saparınan qanday nätije şıqpaq?

“The Qazaq Times”