foto: zagran.guru

Wlıbritaniya mektepteriniñ birinde süriyalıq bosqın qızğa qısım körsetildi. Osıdan biraz uaqıt bwrın onıñ ağası 16 jasar Jamal da atalğan jağdaydı bastan ötkergendigi  turalı beynerolik jarıqqa şıqqan bolatın.

Qazirgi tañda süriyalıq qızdı bir top oquşılardıñ qwlatqanı tüsirilgen beynerolik äleumettik jelilerde keñinen taraluda. Köptegen adamdar bwl ärekettiñ dwrıs emestigin aytıp, öz narazılığın bildirgen. Alayda, jergilikti policiya ökilderi eşqanday şağımnıñ kelip tüspegendigin mälimdedi. Äytse de, köpşilikke tez taralğan beynerolik arqılı tergeu jwmıstarınıñ bastalıp ketkendigi turalı habarlağan.

Alğaşqı beynerolikte 16 jastağı Jamalğa Britan studentteriniñ şabuıl jasağandığı anıq körsetilgen. Tez arada tergeu jwmıstarın bastağan qwqıq qorğau orındarı birden bwzaqılardı anıqtap, sot zalınan biraq şığarğan. Bwdan keyin ITV telearnasına swhbat bergen Jamal Britan jerinen de qauipsiz orındı taba almağandığın aşıq ayttı. Tek, mektepte ğana emes, dükenge barar jolda da üreylenetin jasöspirim sabaq oquğa degen senimniñ joğalıp bara jatqandığın jetkizgen.

BWW-nıñ bosqındar bağdarlaması boyınşa Wlıbritaniyağa kelgen jasöspirimder, alğaşqı künnen bastap qısımnıñ astında qalğan.  Bwdan bwrın da birneşe ret polciya qızmetkerleriniñ kömegine jügingen Jamal, odan payda bolmağanın ayttı. Britaniyada jaqsı ömir, jaqsı mekteptiñ kütip twrğanın armandağan balalar, endi onıñ jäy ğana arman ekendigine közderi jetkendey.

2011 jılı Süriya elindegi beybit şeruşiler men bilik ökilderiniñ arasındağı qaqtığıs, keyinnen oq atuğa deyin jetken. Osılayşa, BWW-nıñ mälimeti boyınşa 400 mıñnan astam adam qwrban bolıp, 100 mln-ğa juıq twrğın üylerin tastap ketti. Al, 4,8 mln adam özge elderden pana tapqan.

Wlıbritaniyadağı mektep oquşılarınıñ Süriyalıq jasöspirimderge jasağan qısımın qarap otırıp, özge elderdegi bosqındardıñ da alañsız kün keşip jatpağandığın añğaruğa boladı. Dese de tınış ömir sürudi qalağan Süriya azamattarı Türkiya arqılı Europağa ötip ketu äreketin jalğastırıp keledi.

"The Qazaq Times"