Izrail' türmelerindegi palestinalıqtar. Foto: Haaretz.

Izrail' qauipsizdik küşteri Batıs Şeriya aymağında jürgizgen «tazalau operaciyası» kezinde 16 palestinalıqtı twtqındadı. Izrail' tarabı jasağan mälimette, qamauğa alınğan palestinalıqtarğa «lañkestik äreketterge qatısı bar» degen ayıp tağılğan.

Izrail' qarulı küşpen baqılauına alğan Batıs Şeriya men Şığıs Ierusalimde üylerge jii tintu jürgizilip twratını belgili boldı.  Kezekti «tazalau operaciyası» da sonıñ biri. Mälimetterge qarağanda, lañkestik şabuılmen qatısı bar delingen palestinalıqtar twtqındalıp, tergeuge alınğan.

"Tazalau operaciyası" kezinde twtqındalğan palestinalıq. Foto: Anadolı7

Izrail'diñ tarabı «äkimşilik tergeu» procesi twtqındalğan palestinalıqtardı 1 aydan 6 ayğa deyin qamauda wstaydı. Eger tergeu kezinde küdiktiniñ Izrail' qauipsizdigine qater töndirgeni rastalsa, 5 jılğa deyin qamaladı.

Palestina resmileri bwnday tintu äreketterin ayıptaydı jäne Izrail' türmesinde 6 mıñ 500-den astam palestinalıqtardıñ qamauda jatqanın alğa tartadı.

“The Qazaq Times”