foto: versiya.info

AQŞ-ta kiberalayaqtıq jolmen qarjı tapqan degen küdikpen eki qazaqstandıq, altı reseylik azamattıñ artınan qılmıstıq is bastaldı. Soñğı mälimet boyınşa, cifrlı jüyeniñ qır-sırın jaqsı meñgergender 40 mln dollar şamasında qarjı jımqırdı degen küdikke ilingen.

N'yu-Yorktıñ Şığıs okrug ştatınıñ prokuraturası qazirgi tañda olardıñ  tağı da qanday qılmısqa qatısı bar ekendigin anıqtauda. Esimderi belgili bolğan azamattardıñ keybireui özge elderden wstalğan.  Qazaqstan azamatı Sergey Ovsyannikov, Malayziyada Evgeniy Timçenko Estoniyada qwrıqtalğandığı belgili boldı. Sol sekildi Reseylik Aleksandr Jukov Bolgariyada twtqındalğan. Barlıq wstalğan azamattar jaqın uaqıtta AQŞ-qa jetkiziledi dep josparlanuda. Bwdan bölek Mihail Andreev, Denis Avdeev, Dmitriy Novikov jäne Aleksandr Isaev  bostandıqta jür.

Esteriñizge sala keteyik, ağımdağı jıldıñ mamır ayında äleumettik jeliler men elektrondı meken-jay arqılı adamdardıñ qarajatın jımqıratındar Qazaqstan aumağınan da töbe körsetken. Birneşe swraqqa oñay jauap bergenderge keyinnen sıyaqını jiberu üşin arnayı esepşot nömirin swrağan.  Seziktengen jandar birden qwzırlı orındarğa jüginse, endi biri twzaqtarına ilinip jattı. Sondıqtan jeli arqılı oñay aqşağa kenelu, tek kiberalayaqtardıñ ğana qolınan keletindigin sarapşılar eskertip otır.

“The Qazaq Times”