Foto: 4td.fm

Amerikandıq SpaceX kompaniyasınıñ basşısı Ilon Mask Amerikanıñ "Axios" basılımına bergen swhbatında öziniñ Marsqa baru ıqtimaldığı  70 payız ekendigin ayttı.

«Biz jaqında tehnologiya salasında  birneşe jañalıqtar aştıq, nätijesinde men sodan quat alıp, jigerlendim», - dedi ol.  Onıñ aytuınşa, Marsqa wşu biletiniñ bağası şamamen eki jüz mıñ dollar boladı.

Sonday-aq, kompaniya basşısı bay adamdardıñ mwnday saparğa şığuğa täuekelge bara bermeytinin atap ötti. Öytkeni, "Marsta ölu ıqtimaldığı Jerge qarağanda äldeqayda joğarı" dedi ol.

Ötken jıldıñ qırküyek ayında Ilon  Mask SpaceX kompaniyası Marsqa wşatın arnayı zımırannıñ jäne de Jerdiñ bir nüktesinen ekinşisine bir sağattan da az uaqıtta jetetin zımıran dayındalıp jatqandığın aytqan bolatın. Onıñ atauı - BFR. Masktıñ aytuınşa, olar  kompaniyanıñ barlıq jetistikterin BFR zımıranın jasau üşin paydalanuda.

Aldın ala boljam boyınşa, atalmış zımıran Mars pen Ayğa wşuı mümkin. Zımıran aldımen jaqın jerdegi orbitağa jetip, janarmay qwyu jwmıstarın jürgizedi. Sodan soñ, tiisti jerine deyin toqtamay wşadı. Atap aytqanda, atalğan tehnologiya Jer seriginde arnayı baza qwru üşin Jerden Ayğa jäne keri qaray wşuı tiis.

Ayta keteyik, alğaş ret 2016 jılı SpaceX kompaniyası 2020-2025 jıldarğa qaray Marsqa wşu josparda bar ekenin aytqan bolatın.

"The Qazaq Times"