Foto: Chicagonow.com

Päkistan aqparat qwraldarı habarına qarağanda, keşe tünde (16 aqpan) Päkistannıñ oñtüstigindegi Sind Sehuan jerindegi meşitterdiñ  birinde jankeşti şabuıl bolıp, saldarınan 50 adam ölip, 200 adam jaralandı. Bwl turalı qıtaydıñ «Sina.Net» habarlaydı.

Lañkestik şabuıl keşe keşte, sol eldiñ astanasınan 200 şaqırımdağı Sehuan jerindegi Lal Shahbaz Qalandar attı meşitter orın alğan. Jergilikti policeylerdiñ aytısında, bir jankeşti şabuılşı meşitke kirip, dürbeleñ tudıru maqsatında granattı adamdar arasına laqtırğan. Alayda, granat jarılmay qalğan. İle-şala ol özine baylanğan jarılğıştı jarıp jibergen.  Gonkongtiñ "Şığıs-Network" saytınıñ habarına qarağanda, ölgender sanı äzirge deyin 100 -den asqan.

Bwl retki terrorlıq şabuıldı "Islam memleketi" wyımı üstine alğan. Päkistan ükimeti oqiğağa baylanıstı tiisti şaralar jasauda. Ölgender men jaralanğandar sanı köp bolğandıqtan, bwl Päkistanda tuılğan eñ auır lañkestik şabuıldardıñ biri bolıp sanaladı.

“The Qazaq Times”