AQŞ ükimeti qıtaylıq Huawi-di tıñşılıq jasauşı dep ayıptauda. Foto: VOA.

AQŞ ükimeti odaqtas elderiniñ internet-operatorların qıtaylıq Huawei baylanıs qwrılğıların paydalanbauğa köndirude. Bwl turalı amerikalıq tanımal basılım The Wall Street Journal bir kün bwrın kölemdi maqala jariyaladı.

Qıtaylıq iri tehnologiya kompaniyası sanalatın Huawei jaqında Qwrama Ştatta qatañ tekseruden ötti. AQŞ barlau qızmetkerleri men özgede resmi twlğalardıñ aytuınşa, Huawei qatarlı tehnologiya kompaniyaları Qıtay ükimetiniñ şetelderdegi tıñşılıq mümkindikterin jäne soğan täuekel etu mümkindigin arttıradı.

Atalğan basılımnıñ qwpiya derekközderge silteme jasağan habarında, AQŞ ükimeti lauazımdılarınıñ Huawei jabdıqtarın keñinen paydalanatın odaqtas elderdegi memleket qızmetkerleri jäne telekommunikaciya salasınıñ basşılarımen tığız baylanıs ornatıp otırğanın aytadı.  Äri, olarğa jeli qauipsizdiginiñ mañızdılığı turalı eskertedi.

AQŞ ükimeti qazirgi uaqıtta qıtaylıq tehnologiyalarğa köbirek süyenetin memleketterdiñ atalğan saladağı damuın qoldau üşin qarajat bölu isin qarastıruda. Bılayşa aytqanda, özine odaqtas elderdi Qıtay tehnologiyalarına täueldilikten arıltu üşin, sol eldiñ tehnologiya salasınıñ damuına qoldau körsetedi.

Qwrama Ştat, äsirese, Germaniya, Italiya jäne Japoniya sekildi AQŞ-tıñ mañızdı äskeri bazaları bar elderde qıtaylıq telekommunikaciyalıq qwral-jabdıqtardıñ paydalanıluınan erekşe alañdaydı.

“The Qazaq Times”