AQŞ prezidenti Donal'd Tramp beysenbi küin jasağan mälimdemesinde, ol basqarğan ükimet Auğanstanda «swrapıl kelissözder» jürgizip jatqanın, alayda, onıñ tabıstı bolatınına köz jetkize almaytının ayttı. Tramp bwl mälimdemesin Auğanstandağı AQŞ qarulı küşteri wyımdastırğan tele-konferenciya kezinde ortağa saldı.

Mälimdemede Tramp jwrttı jalt qaratqan jañalıqtı da ayıp ötti. Ol Auğanstandağı qarulı küşterge sol elge saparlay baruı mümkin ekenin eskertti.

«Köptegen adam bile bermese kerek, biz Auğanstanda öte küşti kelissözder jürgizip jatırmız. Bwl mümkin twñğış ret bolıp otır, biz auğan jerinde swrapıl kelissözderdi jasadıq. Öz uaqıtında biz ne bolatının köretin bolamız. Biz beybitşilikti talqığa saludamız, uaqıtı jetkende beybitşiliktiñ bolatın-bolmaytının da köretin bolamız», – dedi Tramp.

Qazir Taliban küşteri Uaşington qoldauındağı ükimet küşterine toqtausız şabuıl jasauda. Soğan qaramastan, AQŞ-tıñ resmi ökili Halilzad Taliban tarabımen tikeley kezdesip kelissöz jürgizgen.

Eldegi mäseleniñ salmaqıtı ekenin qaramastan AQŞ prezidentiniñ sözi ekiwştı boldı. «Biz qazir talqılaudamız. Onıñ tabıstı bolatın-bolmaytını belgisiz. Kim biledi – tabıstı boluı da mümkin, bolmauı da mümkin. Bir anığı biz Auğanstanda kelissöz jasap otırmız», – dedi AQŞ prezidenti.

“The Qazaq Times”