Katar AQŞ-pen qarım qatınasın damıttı. Foto: äl-Jazira

Katar prem'er-ministriniñ orınbasarı jäne qorğanıs ministri Halid ibn Mwhammed äl-Attiye AQŞ memlekettik hatşısı Mayk Pompeomen Uaşingtonda kezdesti. Kezdesude AQŞ-Katar arasındağı öñirlik qorğanıs ıntımaqtastığın damıtu isteri qolğa alınğan. Bwl turalı «äl-Jazira» aqparattıq agenttigi habarladı.

AQŞ memlekettik departamentiniñ jazbaşa mälimdemesinde, eki eldiñ lauazımdı twlğaları kezdesu barısında, öñirlik qauipsizdik pen twraqtılıqqa ortaq müddeleriniñ bar ekenin alğa tarta otırıp, osı bağıttarda Qwrama Ştat aldağı uaqıtta Katarmen tığız baylanısta bolatını aytılğan.

Kezdesude, Şığanaq ıntımaqtastıq keñesiniñ negizinde Tayau-Şığıs odaqtastığın qwru turalı bastama köterilgen. Sonımen birge, Pompeo men äl-Attiye AQŞ-tıñ Katardağı äue bazasın keñeytu isin aqıldasqan.

Halid ibn Mwhammed äl-Attiye AQŞ saparı kezinde Pentagon basşısı Jeyms Mettispen de kezdesip, qorğanıs ıntımaqtastığın damıtu turalı keñesip qayttı.

Soñğı uaqıtta Şığanaqtıñ mañızdı oyınşılarınıñ biri Katar sırtqı eldermen qarım-qatınasta belsendilik tanıtıp, Batıs elderimen qorğanıs ıntımaqtastığın jandandıra bastadı. Al batıstıq alpauıttar Katar, Kuveyt, Oman, BAÄ qatarlı Şığanaqtıñ şağın elderi arqılı aymaqtağı ambiciyasın jüzege asırıp keledi.

“The Qazaq Times”