Iran Başar Asad rejimin qoldap otır. Foto: Al Jazeera6 .

 

Iran Süriya jerinde tehrandıq (Tegeran) universitettiñ filialın aşatının habarladı. Bwl Tehranda ötken eki el parlamentter arasındağı dostastıq tobınıñ müşeleri men Iran Ğılımi zertteu jäne tehnologiya ministri Mansur Kolami arasındağı kezdesu kezinde jariya boldı. Bwl turalı IRNA aqparattıq agenttigi habarladı.

Mälimdemede aytılğanday, Tehrandağı Terbieti Müdderis universitetiniñ Süriya jerinde filialı aşılıp, süriyalıq talapkerlerdiñ öz jerinde bilim aluına jağday jasaladı. Iran ministri sözinde: «Bwl şara Süriyadağı talapkerlerge, äsirese magistranttar men doktoranttardıñ öz elinde oquın jalğastıruğa mümkindik berer edi», – dedi.

Mansur Kolami kezdesude Iran men Başar Asad rejimi arasında sauda, qwrılıs, infraqwrılım salalarında kelisimderdiñ bar ekenin ayta kelip, Iran Süriyanıñ bolaşağında mañızdı serigi boluğa küş salatının jetkizdi.

Iran Süriya mäselesindegi jergilikti oyınşılardıñ biri. Öñirde Saud Arabiyasımen strategiyalıq qarsılas küyindegi Iran jaqında ğana AQŞ-tıñ qatañ sankciyasınıñ qarauılına ilikken bolatın. Alayda, Iran biligi Süriyadağı tizginin tartpaytının kezekti kezdesuler, joğarı deñgeydegi almasular arqılı añğartıp otır.

“The Qazaq Times”