يران ءسۇريا بولاشاعىنا ىقپال ەتكىسى كەلەدى

يران ءسۇريا جەرىندە تەھراندىق (تەگەران) ۋنيۆەرسيتەتتىڭ فيليالىن اشاتىنىن حابارلادى. بۇل تەھراندا وتكەن ەكى ەل پارلامەنتتەر اراسىنداعى دوستاستىق توبىنىڭ مۇشەلەرى مەن يران عىلىمي زەرتتەۋ جانە تەحنولوگيا ءمينيسترى مانسۋر كولامي اراسىنداعى كەزدەسۋ كەزىندە جاريا بولدى. بۇل تۋرالى IRNA اقپاراتتىق اگەنتتىگى حابارلادى.

مالىمدەمەدە ايتىلعانداي، تەھرانداعى تەربيەتي مۇددەريس ۋنيۆەرسيتەتىنىڭ ءسۇريا جەرىندە فيليالى اشىلىپ، سۇريالىق تالاپكەرلەردىڭ ءوز جەرىندە ءبىلىم الۋىنا جاعداي جاسالادى. يران ءمينيسترى سوزىندە: «بۇل شارا سۇرياداعى تالاپكەرلەرگە، اسىرەسە ماگيسترانتتار مەن دوكتورانتتاردىڭ ءوز ەلىندە وقۋىن جالعاستىرۋعا مۇمكىندىك بەرەر ەدى»، – دەدى.

مانسۋر كولامي كەزدەسۋدە يران مەن باشار اساد رەجيمى اراسىندا ساۋدا، قۇرىلىس، ينفراقۇرىلىم سالالارىندا كەلىسىمدەردىڭ بار ەكەنىن ايتا كەلىپ، يران ءسۇريانىڭ بولاشاعىندا ماڭىزدى سەرىگى بولۋعا كۇش سالاتىنىن جەتكىزدى.

يران ءسۇريا ماسەلەسىندەگى جەرگىلىكتى ويىنشىلاردىڭ ءبىرى. وڭىردە ساۋد ارابياسىمەن ستراتەگيالىق قارسىلاس كۇيىندەگى يران جاقىندا عانا اقش-تىڭ قاتاڭ سانكتسياسىنىڭ قاراۋىلىنا ىلىككەن بولاتىن. الايدا، يران بيلىگى سۇرياداعى تىزگىنىن تارتپايتىنىن كەزەكتى كەزدەسۋلەر، جوعارى دەڭگەيدەگى الماسۋلار ارقىلى اڭعارتىپ وتىر.

“The Qazaq Times”