Europalıq memleketter Qıtay men Reseyden qorğanu maqsatında ortaq armiya qwrmaq.

Strasburgte ötken jiında Germaniya kancleri Angela Merkel' Europa küşterin biritkirip, äskeri birlestik qwruğa şaqırdı. Öz mälimdemesinde ol: «Äskeri bağıtta ortaqtasuımız qajet. Europa sonda ğana mıqtı boladı. Öz tağdırımızdı özimiz qolımızğa aluımız kerek»,– dedi. Onıñ aytuınşa, Europa elderi NATO-men küş biriktiru arqılı wlttıq qauipsizdikti saqtay aladı.

Osığan deyin Franciya prezidenti Emmanuel' Makron Europe-1 radiosına swhbat berip, «Biz özimizdi Qıtay, Resey, tipten AQŞ-tan da qorğauımız qajet» – degen bolatın. Makronnıñ bwl oyına Germaniya qoldau bildirdi. Daily Telegraph basılımın Parij ben Berlinniñ armiya biriktiruge tas-tüyin dayın ekendigin jazdı. Al Qwrama Ştattarınıñ prezidenti Donal'd Tramp: «Europa birinşi kezekte NATO-nıñ şığındarın azaytuğa kömektessin. Şığınnıñ basım böligin AQŞ köterip otır», – dep Makronnıñ bwl oyın sınğa aldı. Sonımen qatar, Tramp birinşi jäne ekinşi düniejüzilik soğıs kezinde Europa memleketterin Qıtay men Reseyden qorğap qalğan negizgi küş – Germaniya armiyası ekenin eske saldı. Ol Twitter paraqşasında «Mwnıñ artı Franciyanı qanday jağdayğa äkeldi?» –  dep qısqa qayırdı.

Eske sala keteyik, ötken aptada Australiya Aziya-Tınıq mwhitı elderin Qıtaydan qorğau üşin atalğan aymaqtardıñ infraqwrılımdıq jağdayın jöndeu maqsatında arnayı qor aşatının mälimdegen bolatın. Sebebi, 2010 jıldan beri Beyjiñ tarapı osı aymaqtağı elderdiñ ekonomikası men turizm salasın damıtu üşin 1,5 milliard dollar nesie bölgen. Qıtaydıñ bwl «qızığuşılığı» öz kezeginde Batıstıñ alañdauşılığın tuğızdı. Osığan qatıstı Australiya prem'er-ministri Skott Morrison: «Qordıñ bastı maqsatı – Qıtaydıñ ıqpalın tejeu» ekendigin aytqan.

"The Qazaq Times"